KAMATI YA BUNGE HUDUMA ZA JAMII YATEMBELEA HOSPITALI YA TAIFA MUHIMBILI LEO

Kamati ya Bunge Huduma za Jamii leo imefanya ziara katika Hospitali ya Taifa Muhimbili kutembelea Kitengo cha  Tiba ya Figo ili kufahamu hali halisi ya utuoaji wa huduma za tiba ya figo hususani uchujaji wa damu.  

Kitengo hiki kinatoa huduma kwa wagonjwa waliolazwa hospitalini na wagonjwa wa nje kwa kuhudumia na kusimamia wagonjwa wenye magonjwa ya figo waliolazwa kwenye jengo la Mwaisela na walio kwenye idara zingine kwa kushiriki matibabu yao. 

Kitengo kinaendesha kliniki kwa wagonjwa wa nje, mara tatu kwa wiki, zikiwemo za kufuatilia maendeleo ya wagonjwa waliowekewa figo nyingine; waliojitolea figo kwa jamaa zao; na wenye matatizo mengine yote ya figo kwa ujumla. 

Aidha kitengo hiki hutoa huduma ya uchujaji wa damu (dialysis) kwa wagonjwa ambao figo zao zimepoteza uwezo wake wa kufanya kazi. Kupitia Wizara ya Afya na Ustawi wa Jamii, kitengo kinamwandaa mgonjwa wa figo na aliyejitolea kumpa mgonjwa figo kwa matibabu na kitengo hiki kinasimamia uchunguzi wa magonjwa ya figo kwa kushirikiana na Maabara Kuu ya Hospitali ya Taifa Muhimbili. 

Kitengo hiki kilizinduliwa rasmi na Mh. Rais wa Jamhuri ya Muungano wa Tanzania Dkt. Jakaya Mrisho Kikwete Novemba 2, 2009. Kitengo kina jumla ya madaktari bingwa wawili wa tiba ya magonjwa ya figo, madaktari waandamizi wanne na wauguzi tisa. Ifuatayo ni habari katika picha kuhusiana na ziara ya Kamati ya Bunge Huduma za Jamii.

Baadhi ya Wajumbe wa Kamati ya Kudumu ya Bunge, Huduma za Jamii wakipata maelezo toka kwa Dkt. Linda Ezekiel, Daktari Bingwa wa Magonjwa ya Figo  (hayupo pichani).

Waliosimama kutoka kushoto ni Dkt. Hedwiga Swai Kaimu Mkurugenzi wa Tiba, akifuatiwa na Dkt. Linda Ezekiel, Bw.Makwaia Makani ambaye ni Mkurugenzi wa Utumishi na Mkurugenzi Mtendaji wa Hospitali ya Taifa Muhimbili Dkt. Marina Njelekela kwa pamoja wakisikiliza maelezo ya huduma ya figo toka kwa Dkt. Linda

Dkt. Linda Ezekiel (kushoto) akitoa maelekezo kwa  Mwenyekiti wa Kamati ya Kudumu ya Bunge, Huduma za  Jamii  Mh. Margaret Sitta pamoja na Mkurugenzi Mtendaji wa Hospitali ya Taifa Muhimbili, Dkt. Marina Njelekela wakimsikiliza Dkt. Linda kuhusiana na huduma ya kuondoa sumu mwilini kwa kutumia mashine maalumu (figo mbadala/artificial kidney).

 Aliyekaa kitandani ni mdau wa huduma ya figo akiwasikiliza wajumbe wa kamati ya Kudumu ya Bunge Huduma za Jamii

  Wa kwanza kulia ni Mwenyekiti wa Kamati ya Kudumu ya Bunge, Huduma za  Jamii  Mh. Margaret Sitta pamoja na Mkurugenzi Mtendaji wa Hospitali ya Taifa Muhimbili, Dkt. Marina Njelekela wakimsikiliza Dkt. Linda kuhusiana na huduma ya kuondoa sumu mwilini kwa kutumia mashine maalumu (figo mbadala/artificial kidney).

Wajumbe wa Kamati wakifuatilia kwa umakini kabisa maelezo ya huduma za figo kutoka kwa Dkt. Linda

Mmoja na wadau ya huduma za figo akifafanua jinsi alivyopata huduma kwa wajumbe wa Kamati ya Bunge. 

Mkurugenzi Mtendaji wa Hospitali ya Taifa Muhimbili Dkt. Marina Njelekela akimsikiliza kwa makini Mjumbe wa Kamati ya Bunge ya Kudumu, Huduma za Jamii, Mh. Matha Mlata

Dkt. Njelekela akiteta jambo na Makamu Mwenyekiti wa Kamati ya Bunge ya Kudumu, Huduma za Jamii Dkt. Faustine Ndugulile na Mjumbe wa Kamati hiyo Dkt. Maua Daftari