Waziri wa TAMISEMI, Prof. Riziki Shemdoe, amewataka madereva wa mabasi ya mwendokasi na yale ya kawaida kutumia lugha nzuri wanapotoa huduma kwa abiria ili kupunguza migogoro isiyo ya lazima barabarani na kuepusha ajali.
Akizungumza leo jijini Dar es Salaam wakati wa kuwatunuku vyeti madereva 35 waliohitimu mafunzo ya uendeshaji wa mabasi ya mwendokasi (BRT), amesema kutokuelewana kati ya madereva na abiria kumekuwa chanzo cha migogoro mingi inayoweza kuepukika.
“Madereva wanapaswa kuwa mfano wa kuigwa. Lugha nzuri na ustaarabu si tu huongeza heshima, bali ni sehemu ya usalama na ufanisi wa utoaji huduma,” amesema Prof. Shemdoe.
Mafunzo hayo yametolewa na Chuo cha Usafirishaji cha Taifa (NIT) kwa kushirikiana na Kampuni ya Uendeshaji wa Mabasi Yaendayo Haraka (UDART).
Waziri pia ameagiza UDART kutokuajiri dereva yeyote ambaye hajapitia mafunzo rasmi ya chuo hicho, akibainisha kuwa programu hizo huwapa madereva uwezo wa kutumia miundombinu ya BRT kwa usahihi na usalama.
Kwa upande wake, Mkuu wa NIT amesema zaidi ya madereva 250 tayari wamenufaika na mafunzo hayo na sasa wanafanya kazi katika kampuni mbalimbali za usafirishaji, ikiwemo Mofat. Alisema mabasi ya mwendokasi yana mifumo tofauti na yale ya kawaida, hivyo madereva wanahitaji ujuzi maalum ili kuyamudu.
Awali, Mkuu wa Mkoa wa Dar es Salaam, Albert Chalamila, amesema mafunzo hayo yamekuja wakati sahihi kwani mabasi mapya yamewasili na madereva wanatarajiwa kuanza kazi muda wowote. Aliwataka kuyahudumia kwa umakini ili yadumu kwa muda mrefu na kuongeza ufanisi wa huduma za usafiri jijini.
Akizungumza leo jijini Dar es Salaam wakati wa kuwatunuku vyeti madereva 35 waliohitimu mafunzo ya uendeshaji wa mabasi ya mwendokasi (BRT), amesema kutokuelewana kati ya madereva na abiria kumekuwa chanzo cha migogoro mingi inayoweza kuepukika.
“Madereva wanapaswa kuwa mfano wa kuigwa. Lugha nzuri na ustaarabu si tu huongeza heshima, bali ni sehemu ya usalama na ufanisi wa utoaji huduma,” amesema Prof. Shemdoe.
Mafunzo hayo yametolewa na Chuo cha Usafirishaji cha Taifa (NIT) kwa kushirikiana na Kampuni ya Uendeshaji wa Mabasi Yaendayo Haraka (UDART).
Waziri pia ameagiza UDART kutokuajiri dereva yeyote ambaye hajapitia mafunzo rasmi ya chuo hicho, akibainisha kuwa programu hizo huwapa madereva uwezo wa kutumia miundombinu ya BRT kwa usahihi na usalama.
Kwa upande wake, Mkuu wa NIT amesema zaidi ya madereva 250 tayari wamenufaika na mafunzo hayo na sasa wanafanya kazi katika kampuni mbalimbali za usafirishaji, ikiwemo Mofat. Alisema mabasi ya mwendokasi yana mifumo tofauti na yale ya kawaida, hivyo madereva wanahitaji ujuzi maalum ili kuyamudu.
Awali, Mkuu wa Mkoa wa Dar es Salaam, Albert Chalamila, amesema mafunzo hayo yamekuja wakati sahihi kwani mabasi mapya yamewasili na madereva wanatarajiwa kuanza kazi muda wowote. Aliwataka kuyahudumia kwa umakini ili yadumu kwa muda mrefu na kuongeza ufanisi wa huduma za usafiri jijini.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...