NA EMMANUEL MBATILO, MICHUZI TV
Shirika la Viwango Tanzania (TBS) limetoa elimu kwa umma wakati wa Maadhimisho ya Wiki ya Usafiri Endelevu Ardhini yanayoratibiwa na Mamlaka ya Udhibiti Usafiri Ardhini (LATRA), ikiwa ni sehemu ya juhudi za kuhakikisha ubunifu katika sekta ya usafirishaji unazingatia matakwa ya Sheria za Viwango.
Akizungumza na waandishi wa habari Novemba 28, 2025 jijini Dar es Salaam, Afisa Ukaguzi wa TBS, Samson Fatael, ametoa wito kwa wadau mbalimbali kutembelea banda la shirika hilo ili kupata elimu kuhusu mahitaji ya viwango kwa bidhaa mbalimbali, ikiwemo zinazohusiana na usafirishaji.
“Wanaohusika na bidhaa za vyakula, vipodozi, vifaa vya ujenzi na bidhaa mbalimbali tunawakaribisha katika banda letu la TBS hapa Mnazi Mmoja ili kupata elimu na msaada unaowasaidia kufikia malengo yao,” amesema Fatael.
Aidha, Fatael amewahimiza wazalishaji na wajasiriamali wanaohitaji nembo ya alama ya ubora (TBS Certification Mark) kufika katika banda hilo ili kupata maelekezo ya kina juu ya taratibu za upatikanaji wa huduma hiyo.
Kwa upande wake, mdau wa usafirishaji Rashid Noor ameipongeza TBS kwa kutekeleza majukumu yake ipasavyo, hususan katika kusimamia ubora wa bidhaa zinazotumika kwenye usafirishaji, akisema hatua hiyo imeongeza imani kwa wateja kutokana na bidhaa kuwa na viwango vinavyokubalika.
Maadhimisho ya Wiki ya Usafiri Endelevu Ardhini yanayofanyika kwa wiki nzima yanabeba kaulimbiu isemayo: “Nishati Safi na Ubunifu katika Usafirishaji.”`
Shirika la Viwango Tanzania (TBS) limetoa elimu kwa umma wakati wa Maadhimisho ya Wiki ya Usafiri Endelevu Ardhini yanayoratibiwa na Mamlaka ya Udhibiti Usafiri Ardhini (LATRA), ikiwa ni sehemu ya juhudi za kuhakikisha ubunifu katika sekta ya usafirishaji unazingatia matakwa ya Sheria za Viwango.
Akizungumza na waandishi wa habari Novemba 28, 2025 jijini Dar es Salaam, Afisa Ukaguzi wa TBS, Samson Fatael, ametoa wito kwa wadau mbalimbali kutembelea banda la shirika hilo ili kupata elimu kuhusu mahitaji ya viwango kwa bidhaa mbalimbali, ikiwemo zinazohusiana na usafirishaji.
“Wanaohusika na bidhaa za vyakula, vipodozi, vifaa vya ujenzi na bidhaa mbalimbali tunawakaribisha katika banda letu la TBS hapa Mnazi Mmoja ili kupata elimu na msaada unaowasaidia kufikia malengo yao,” amesema Fatael.
Aidha, Fatael amewahimiza wazalishaji na wajasiriamali wanaohitaji nembo ya alama ya ubora (TBS Certification Mark) kufika katika banda hilo ili kupata maelekezo ya kina juu ya taratibu za upatikanaji wa huduma hiyo.
Kwa upande wake, mdau wa usafirishaji Rashid Noor ameipongeza TBS kwa kutekeleza majukumu yake ipasavyo, hususan katika kusimamia ubora wa bidhaa zinazotumika kwenye usafirishaji, akisema hatua hiyo imeongeza imani kwa wateja kutokana na bidhaa kuwa na viwango vinavyokubalika.
Maadhimisho ya Wiki ya Usafiri Endelevu Ardhini yanayofanyika kwa wiki nzima yanabeba kaulimbiu isemayo: “Nishati Safi na Ubunifu katika Usafirishaji.”`
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...