Tanzania shines at the world Travel Market

visitors flock at the Tanzania pavillion in London

By Ayoub mzee

The world travel market has opened this week at the Excel exhibition center in London. The Tanzania delegation is led by the Tanzania minister of Tourism Hon. Shamsa Mwangunga and the parmanent secretary minister of tourism Mrs Blandina Nyoni.

This exhibition has opened on the back drop that Tanganyika wilderness camps is to due open an upmarket tented lodge at Lake Masekin in the Ngorongoro conservative area in 2009. And that Lateka Safaris is introducing new bird watching packages for two come 2009.

Also the brand new 200-room Movernpick Resort is due to open near Arusha in 2010 at the foot of mount meru.

Speaking at the event Mama Nyoni has said that business and tour enquries have been very high on the second day compared to last year

------------------------------------------------

Na Mwandishi Maalum, London

TANZANIA imeendelea kufanya vizuri mwaka huu katika kutangaza utalii wake kwenye maonyesho makubwa ya biashara ya utalii jijini London.

Hali hiyo imedhihirika hapa tangu Jumanne ambapo watu wengi wa mataifa ya Ulaya na kwingineko walionekana kutobanduka kwenye banda la Tanzania katika maonyesho hayo yanayofanyika eneo la Excel jijini hapa yakishirikisha zaidi ya mataifa 140 kutoka kila pembe ya dunia.

Karibu tangu saa 3:30 asubuhi mabanda ya Watanzania, wakiwemo wa idara za serikali na zile za binafsi, yalikuwa yamefurika watu wakitaka upatiwa taarifa zihusuzo vivutio vya Tanzania, huku wakichukua vipeperushi na machapisho mbalimbali kabla ya baadaye kuzama kwenye burudani ya ngoma za asili iliyokuwa ikishushwa na kundi la Sisi Tambala.

“Tumefarijika sana na manyesho haya, ambapo hakika Tanzania inazidi kupanda mwaka hadi mwaka kutokana na jinsi inavyotangaza utalii wake, tunaamini kwamba idadi ya watalii kwa msimu ujao itaongezeka zaidi,” alisema Mkurugenzi wa Bodi ya Utalii Tanzania (TTB), Peter Mwenguo.

Mwenguo alisema kwamba, kwa jinsi walivyojitahidi kuitangaza Tanzania katika sekta hiyo ya utalii wanaamini ujio wa wageni hao mwaka ujao utakuwa mkubwa zaidi kuliko miaka iliyotangulia.

Naye Katibu Mkuu wa Wizara ya Maliasili na Utalii, Blandina Nyoni, alisema jana jijini hapa kwamba, Tanzania itegemee idadi kubwa ya watalii msimu jao, lakini akaonya kuwa changamoto nyingine zinapaswa kushughulikiwa haraka ili kutowakatisha tama watalii hao.

Alizitaja changamoto hizo kuwa ni pamoja na miundombinu kama mawasiliano ya barabara na huduma za vyakula na malazi, ambazo alisema zinapaswa kuboreshwa zaidi kwa kushirikisha wadau wote.

“Nadhani umejionea mwenyewe jinsi hali ilivyo, TTB wamejitahidi sana kuwaelewesha wageni mblaimbali waliotembelea banda letu, na wale waliovutiwa, ambao ndio wengi wamekuwa wakiwasiliana na makampuni mbalimbali yaliyopo kwenye maonyesho haya kuona kama wanaweza kuja Tanzania kutalii.

“Tunahitaji mpango wa ushirikiano wa amoja baina ya serikali na sekta binafsi utekelezwe kwa bidii sana na sisi kama serikali tutahakikisha tunajitahidi kuweka sera nzuri na kushirikiana na wadau wetu wenye hoteli na kampuni za utalii kuona tunashughulikia changamoto hizi ili kuweka nchi yetu kwenye chati ya dunia,” alisema.

Maonyesho hayo, ya pili kwa ukubwa duniani baada ya yale ya ITB ya Ujerumani, yanashirikisha zaidi ya wafanyabiashara 120 wa sekta ya utalii nchini Tanzania.

Wafanyabiashara hao wanatoka katika makampuni 61 yanayojishughulisha na huduma za utalii, hoteli na sekta nyinginezo, idadi ambayo inaonekana kuongezeka kwa kasi katika miaka ya karibuni.

“Siku zote tumejitahidi kuutangaza utalii wetu nje ya nchi ingawa baadhi ya watu wamekuwa wakikejeli juhudi zetu hizi, lakini siyo siti, atasaidina sana kukuza pato la taifa kupitia sekta hiyo.

Hii ni mara ya 16 tangu Tanzania ianze kushiriki maonyesho hayo kiasi cha kuongeza na imefaidika na maonyesho hayo ambapo yameongeza idadi ya watalii kutoka Uingereza kwa kiasi kikubwa.

“Ingawa Waingereza wamepitwa kidogo mwaka 2007 na watalii kutoka Marekani, lakini hakika maonyesho haya yamekuwa chachu kubwa kwa idadi ya watalii wanaokuja nchini,” alisema Mwenguo, mkurugenzi wa TTB.

Aidha, alisema kwamba kuongezeka kwa watalii kutoka Marekani kulitokana na kutangazwa kwa vivutio vingi vya utalii katika nchi hiyo kuanzia mwaka 1999 wakati wa utawala wa Rais Benjamin Mkapa.

Hata hivyo, Mwenguo alisema, maonyesho hayo yanatarajiwa kuongeza idadi ya watalii mwaka huu, ambapo wanatazamia watalii 800,000 watakuja kutembelea Tanzania na hivyo kuiingizia serikali kiasi cha dola za Marekani bilioni 1.1 ikilinganishwa na mwaka 2007, ambapo jumla ya watalii 719,000 walikuja na serikali ikakusanya dola bilioni 1.

Mbali ya wafanyabiashara hao, serikali nayo kwa kiasi kikubwa itajitahidi kuutangaza utalii, ambapo ujumbe wa maofisa 19, wakiwemo mawaziri, makatibu wakuu na wakurugenzi, wameshiriki maonyesho hayo.

Maafisa hao kutoka Tanzania Bara ni Waziri wa Maliasili na Utalii, Shamsha Mwangunga na Katibu Mkuu wa wizara hiyo, Blandina Nyoni, Mkurugenzi wa TTB Peter Mwenguo, Mkurugenzi wa Masoko wa TTB, Amat Macha na Meneja Masoko wa TTB, Geofrey Meena.

Wengine ni Mwenyekiti wa Bodi ya Mamlaka ya Hifadhi za Taifa (Tanapa), Modestus Lilungulu, Mkurugenzi wa Tanapa Gerald Bigurube, Mkuu wa Hifadhi ya Kitalo, William Mwakilema, Kaimu Muhifadhi wa Mamlaka ya Ngorongoro B. Murunya na afisa utalii wa mamlaka hiyo, Ole Mariki Lazaro pamoja na maafisa wengine.

Kutoka upande wa Visiwani ni Waziri wa Utalii, Biashara na Uwekezaji, Samia Sululu Hassan, Mwenyekiti wa Kamisheni ya Utalii Issa Ahmed Othman, Katibu Mkuu wa kamisheni hiyo, Dk. Ahmad H. Khatib, Mkurugenzi wa Chuo cha Utalii, Mohammed Omar, Mkurugenzi wa Masoko wa kamisheni Ali Khalil Mirza, Meneja wa Bwawani Hotel Juma Shomari Juma, na Afisa Habari, Mawasiliano na Utalii, Amour Mtumwa Ali.