Habari Za Hivi Punde Habari Za Hivi Punde
Soma zaidi

at Friday, October 04, 2024 0
Mtangazaji wa Kipindi cha Mashamsham cha WasafiFM Khadija Shaibu maarufu kama Didah, amefariki dunia jioni ya leo katika Hospitali ya Taifa Muhimbili Jijini Dar es salaam alikokuwa amelazwa.

Didah ambaye amefariki akiwa na umri wa miaka 42, kifo chake kimetokea siku kumi na sita (16) toka Wafuasi wake washuhudie ukimya wake katika mitandao ya kijamii ambapo chapisho lake la mwisho mtandaoni lilikuwa September 19 2024 ambapo aliweka picha yake akiwa kwenye gari ikisindikizwa na wimbo wa Martha Mwaipaja “amenitengeneza’.
Read more »

at Friday, October 04, 2024 0

 

 

Na Mwandishi Wetu

WAZIRI wa Viwanda na  Biashara Mh.Suleiman Jafo ameishauri bodi mpya ya  Wakurugenzi wa Tume ya Ushindani( FCC) kuhakikisha inakutana na kufanya kikao  haraka kwa lengo la kujadili masuala mbalimbali pamoja na kupitia mambo yote yanayotakiwa kupatiwa ufumbuzi kuhusu masuala ya uwekezaji nchini.
Ametoa ushauri huo leo Oktoba 4,2024  Dar es Salaam alipokuwa akizindua bodi hiyo, ambapo amesema bodi hiyo inajukumu la kumsaidia  Rais Samia Suluhu Hassan katika maono yake yakuvutia wawekezaji na kukuza uchumi nchini.

Amefafanua kwamba FCC ni injini ya uwekezaji Nchini,hivyo bodi hiyo mpya itasaidia Wizara ya Viwanda na Biashara katika kuhakikisha Sekta Binafsi inakua kwa kasi nakuleta mchango wa maendeleo pamoja na kuondoa changamoto ya ajira kwa Vijana.

Waziri Jafo amesisitiza sekta binafsi ndio suluhisho la kujibu mahitaji ya ajira kwa Vijana wanaohitimu kila Mwaka ,na jukumu hilo wamepewa umepewa Wizara ya Viwanda na Biashara,hivyo ameiomba FCC ifanye  kazi yake kwa uadilifu na uaminifu mkubwa.

"Nawashauri watendaji wa FCC kufanya kazi kwa kuzingatia mabadiliko ya sheria katika kufanya tathmini ya namna makampuni yanavyoweza kuungana ili kuleta tija katika ushindani kibiashara."

Pia amewataka watendaji wa Tume ya Ushindani kutoa ushirikiano wa dhati kwa Bodi ya Wakurugenzi ili iweze kufanya kazi nakufikia malengo waliyojiwekea,nakwamba bodi hiyo isipofanya kazi zake vizuri inaweza kuiyumbisha Serikali.

Kwa upande wake  Katibu Mkuu wa Wizara ya Viwanda na Biashara Dkt. Hashil Abdallah amemshukuru Rais Dkt Samia Suluhu Hassan kwa kuwapa maono ya kuweka mazingira rafiki na tulivu ya ufanyaji biashara.

Wakati huo huo Mwenyekiti wa Bodi ya Wakurugenzi ya FCC  Dkt.Aggrey Mlimuka amemhakikishia Waziri Jafo kutekeleza maelekezo yote aliyoyatoa kwa Bodi hiyo.

Amesisitiza kuwa watafanyia kazi yote waliyoelekezwa na Waziri Jafo ma kuongeza bodi hiyo anamatumaini itafanya kazi kwa weledi mkubwa katika kumsaidia Rais Dk.Samia Suluhu Hassan kwa lengo kuendelea kuvutiwa wawekezaji nchini.

















 

Read more »

at Friday, October 04, 2024 0

Na.Khadija Seif, Michuziblog

BENDI ya Msondo Ngoma yawaalika Mashabiki zake kuhudhuria Tamasha la Miaka 60 tangu kuanzishwa kwa bendi hiyo.

Akizungumza na Wanahabari Leo Oktoba 04,2024 Jijini Dar es Salaam Mwenyekiti wa Kamati ya Tamasha hilo Said Kibiriti amesema bendi hiyo imekuwa Mfano wa kuigwa katika tasnia ya Muziki kutokana na kuhudumu kwa Miaka mingi na kuzaliwa kwa vipaji vingi vizuri.

Aidha Kibiriti amesema Tamasha hilo linatarajiwa kufanyika Oktoba 26,2024 katika ukumbi wa Gwambina uliopo Jijini Dar es Salaam.

"Tamasha litafanyika Ukumbi wa Gwambina ambapo Wanamuziki mbalimbali watasindikiza sherehe hizi ambapo pia bendi kama Bogoss ikiongozwa na Rais wa Milele Nyoshi El sadat ,Charles Baba,Fresh Jumbe na Wengine wengi watatumbuiza."

Kibiriti ameongeza kuwa Bendi hiyo itafanya Kisomo kwa ajili ya Kurehemu Wanamuziki waliowahi kuhudumu katika bendi hiyo ambao kwa sasa Wametangulia mbele ya Haki.

Kwa upande wake Rais wa bendi ya Bogoss Nyoshi El sadat amesema anaona fahari kupanda Jukwaa moja na Wanamuziki tofauti tofauti akimtaja zaidi Fresh Jumbe .

"Nimeifahamu bendi hii Miaka ya 90 na Natamani siku ya Tamasha niweze kuimba wimbo "Tuma" ili kusherehesha zaidi miaka hiyo 60 ya bendi Kongwe".

Naye Juma Katundu maarufu kama 'JK' amesema kuwa ni kitu kikubwa kwa watanzania kujitokeza kwa wingi na kutoa ushirikiano siku hiyo kwani Waimbaji wanaendelea na Mazoezi.

Tamasha la Miaka 60 ya Msondo litasindikizwa na Twanga Pepeta, Ally Choki, Nyoshi El Sadati Rais wa Milele, Spidoch Band 'Wazungu weusi' pamoja na msanii wa Bongo fleva Bernard Paul 'Ben Paul huku wakipewa sapoti kutoka bendi ya Dar modern taarab.

Tamasha la miaka 60 kiingilio ni Laki moja, Elfu 50 na kawaida 15000 ukichukua tiketi yako mapema kwa mlangoni kiingilio ni Elfu 20
 

Mwenyekiti wa Tamasha La Kuadhimisha Miaka 60 ya Bendi ya Msondo Ngoma Said Kibiriti akizungumza na Wanahabari Leo Oktoba 04,2024 Jijini Dar es Salaam mara baada ya kutangaza rasmi tamasha hilo ambapo litafanyika Oktoba 26,2024 Ukumbi wa Gwambina  Jijini Dar es Salaam na Kushereheshwa na Wanamuziki mbalimbali akiwemo Fresh Jumbe kutoka Sikinde OG, Charles Baba kutoka Twangapepeta pamoja na Allychoki
 

Mwananamuziki kutoka Bendi ya Twangapepeta Charles Baba akizungumza machache mara baada ya kutangazwa ujio wa Tamasha La Kuadhimisha Miaka 60 ya Bendi ya Msondo Ngoma akihaidi Mashabiki kukonga nyoyo zao kwa kutumbuiza vibao vilivotungwa na bendi hiyo ya Msondo Ngoma

Read more »

at Friday, October 04, 2024 0
Wazalishaji wa vyakula vya Mifugo nchini wameaswa kuzingatia ubora wanapozalisha vyakula vya Mifugo ili kulinda afya za watumiaji wa mazao yatokanayo na Mifugo, kuongeza ustawi wa Mifugo, kuongezeka kwa uzalishaji Mifugo pamoja na kukuza vipato vya wafugaji.

Hayo yamebainishwa na Mkurugenzi wa Huduma Saidizi wa Wakala ya Maabara ya Veterinari Tanzania (TVLA) Bw. Furaha Kabuje Oktoba 04, 2024 alipokuwa akifanya ukaguzi wa vyakula vya Mifugo kwa wazalishaji na wauzaji wa vyakula hivyo kwa Wilaya za Mkoa wa Dar Es Salaam (Ubungo, Temeke, kigamboni na Ilala) kuanzia oktoba 1 hadi 4, 2024 kwa lengo la kufuatilia na kujiridhisha uzalishwaji wa vyakula hivyo kama vinafuata taratibu zilizowekwa na Wizara ya Mifugo na Uvuvi.

“Tunafanya ukaguzi huu kuangalia uzalishaji, kuona kazi zinazofanyika, kukagua vibali vya uzalishaji sambamba na kujiridhisha vyakula mnavyozalisha kama vimehakikiwa ubora na Maabara kuu ya Veterinari kwa lengo la kulinda afya za watumiaji wa mazao ya Mifugo.”

“Tunachukua sampuli za vyakula kwa wazalishaji pamoja na wauzaji tunakwenda kuzipima Maabara Kuu ya Veterinari. Kwa wale watakaobainika kufanya udanganyifu kwa kuzalisha vyakula visivyokidhi ubora tutawachukulia hatu kali kwa mujibu wa sheria.” Alisema Bw. Kabuje

Mmoja wa wamiliki wa kiwanda cha uzalishaji wa chakula cha Mifugo cha HUATANG INVESTIMENT GROUP kilichopo Chanika Bi. Chen Meng Yan alisema kuwa kipaumbele chake kikubwa ni ubora wa chakula cha Mifugo na mara zote amekuwa akihakikisha chakula kinapimwa ubora kabla hakijakwenda sokoni ili kujihakikishia ubora.

“Hatuwezi kuzalisha chakula chenye kiwango cha chini maana kampuni yetu itakufa na hata wafanyanyakazi wetu watapoteza kazi zao, vilevile hatutaki kupata hasara ndio maana tunazingatia ubora.” Alisema Bi. Chen

Bw. Adili Krisoston muuzaji wa vyakula vya Mifugo ameishukuru Serikali kwa kufanya ukaguzi wa vyakula hivyo mara kwa mara kwani kitendo hicho kinawahakikishia kuwa vyakula wanavyovinunua kwa wazalishaji vinakaguliwa na vinakidhi ubora kwa ustawi wa Mifugo pamoja na afya za watumiaji wa mazao ya Mifugo.

Mkurugenzi wa Huduma Saidizi wa Wakala ya Maabara ya Veterinari Tanzania (TVLA) Bw. Furaha Kabuje (kulia) akichunguza sampuli ya vyakula vya Mifugo pamoja na timu ya ukaguzi aliyoongozana nayo kwenye kiwanda cha uzalishaji wa vyakula hivyo cha HUATANG INVESTIMENT GROUP alipokwenda kwa ajili ya kufanya ukaguzi wa vyakula hivyo kwa wasindikaji na wauzaji wa vyakula vya Mifugo Oktoba 04, 2024 Chanika Wilaya ya Ilala Dar Es Salaam.
Mkurugenzi wa Huduma Saidizi wa Wakala ya Maabara ya Veterinari Tanzania (TVLA) Bw. Furaha Kabuje (mwenye miwani) akichukua sampuli ya vyakula vya Mifugo kutoka kwa muuzaji wa vyakula hivyo Bw. Adili Krisoston kwa ajili ya kwenda kufanya ukaguzi kama vinakizi viwango vya ubora Oktoba 04, 2024 alipokwenda kwa ajili ya kufanya ukaguzi wa vyakula hivyo kwa wasindikaji na wauzaji wa vyakula vya Mifugo Chanika Wilaya ya Ilala Dar Es Salaam. Wa pili kutoka kulia ni mmiliki wa kiwanda hicho Bi. Chen Meng Yan
Meneja wa Maabara Kuu ya Veterinari wa Wakala ya Maabara ya Veterinari Tanzania (TVLA) Dkt. Geofrey Omarch (kulia) akichukua sampuli ya vyakula vya Mifugo kutoka kwa muuzaji wa vyakula hivyo kwa ajili ya kwenda kufanya ukaguzi kama vinakizi viwango vya ubora Oktoba 01, 2024 alipokwenda kwa ajili ya kufanya ukaguzi wa vyakula hivyo kwa wasindikaji na wauzaji wa vyakula vya Mifugo Ubungo Dar Es Salaam.
Mkuu wa Kitengo cha Sayansi ya Wanyama wa Wakala ya Maabara ya Veterinari Tanzania (TVLA) Dkt. Scholastika Dotto akikagua sampuli ya vyakula vya Mifugo kwenye kiwanda cha kuzalisha chakula cha Mifugo (One one Animal Feed kilichopo Chamanzi Temeke Dar Es Salaam Oktoba 02, 2024 alipokwenda kwa ajili ya kufanya ukaguzi wa vyakula hivyo kwa wazalishaji na wauzaji wa vyakula hivyo. Kulia kwake ni Msimamizi wa kiwanda hicho Bw. Festo Mkapa

Read more »

at Friday, October 04, 2024 0
Mkurugenzi Mtendaji wa Kituo Cha Uwekezaji Tanzania (TIC), Gilead Teri na Mkurugenzi Mtendaji wa Airtel Tanzania, Dinesh Balsingh wakibadilishana mikataba mara baada ya kusaini makubaliano ya miaka miwili ili kuvutia wawekezaji nchini.

Mkurugenzi Mtendaji wa Airtel Tanzania, Dinesh Balsingh akizungumza leo Oktoba 04, 2024 alipofika ofisi za TIC kwaajili ya kusaini makubaliano ambayo yatarahisisha TIC kufanya kazi kwa ufanisi zaidi. Kulia ni Mkurugenzi Mtendaji wa Kituo Cha Uwekezaji Tanzania (TIC), Gilead Teri.
 Mkurugenzi Mtendaji wa Kituo Cha Uwekezaji Tanzania (TIC), Gilead Teri akizungumza jijini Dar es Salaam leo Oktoba 04, 2024 wakati wa kusaini makubaliano kati ya TIC na Airtel ili kurahisisha utoaji wa huduma kwa Wawekezaji nchini. Kushoto ni Mkurugenzi Mtendaji wa Airtel Tanzania, Dinesh Balsingh.


Picha za pamoja.

KAMPUNI ya Airtel Tanzania imeingia ushirikiano wa miaka miwili na Kituo cha Uwekezaji Tanzania (TIC) ili kusaidia katika mchakato wa kuvutia wawekezaji wa ndani na wa kimataifa.

Ushirikiano huu kati ya TIC na Airtel Tanzania unaonyesha dhamira ya taasisi hizi katika kuwezesha ukuaji wa kiuchumi wa Tanzania kwa kuweka mazingira bora `ya uwekezaji.

Akizungumza jijini Dar es Salaam leo Oktoba 04,2024 Mkurugenzi Mtendaji wa Kituo cha Uwekezaji Tanzania TIC, Gilead Teri amesema kuwa ushiriki wa Airtel Tanzania utaonyesha jinsi Kituo cha Uwekezaji Tanzania kitakavyotumia huduma za mawasiliano na TEHAMA kwa ufanisi kushughulikia maswala mbalimbali yanayolenga kuboresha uwekezaji nchini.

"Airtel Tanzania inamilikiwa na serikali kwa asilimia 49, hivyo ushirika huu unadhihirisha dhamira ya Airtel katika kuhudumia taasisi za serikali na kuchagiza ukuaji wa uchumi wa Tanzania kupitia uwekezaji. Katika kipindi cha miaka miwili ijayo, kupitia ubia huu kati ya Kituo cha Uwekezaji Tanzania TIC na Airtel Tanzania utasaidia kuboresha matokeo chanya kwa taifa letu." Amesema Teri

Kwa upande wake, Mkurugenzi Mtendaji wa Airtel Tanzania, Dinesh Balsingh, amesisitiza kwamba ushirikiano huo utasaidia ukuaji wa uchumi wa Tanzania na kuwezesha maendeleo ya nchi katika uchumi wa kidijitali, kukuza mwingiliano mzuri na kuvutia wawekezaji wapya.

“Ushirikiano huu unakuja wakati muafaka baada ya Airtel kuwa tumeanzisha Mkongo wa chini ya bahari wa Airtel 2Africa kwa lengo la kuleta mapinduzi katika sekta ya teknolojia. Mkongo huu wa chini ya bahari wa Airtel 2 Africa utaifanya Tanzania kuwa kitovu cha kidijitali, na hivyo kuimarisha ushirikiano kati ya TIC na wawekezaji wapya duniani. Ameeleza Balsingh

Balsingh amesema kuwa kutokana na mawasiliano imara ya Airtel, TIC itakuwa katika nafasi nzuri ya kuvutia wawekezaji kwenye soko la Tanzania na kuongeza idadi ya miradi ya maendeleo iliyoandikishwa na kituo hicho cha uwekezaji.

Pia ameongeza kuwa ushirikiano wa TIC na Airtel unawawezesha wawekezaji wazawa kufanya malipo kwa urahisi ili kulipia gharama mbalimbali zinazohusiana na TIC kama vile usajili kupitia huduma ya Airtel Money.
Read more »

at Friday, October 04, 2024 0
Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Khamis ametoa wito kwa Nchi Wanachama wa Ziwa Tanganyika kuendelea kulinda ziwa hili ili lisaidie katika shughuli za kijamii.

Ametoa witi huo wakati akiwasilisha taarifa wakati wa Mkutano wa Tatu wa Mawaziri wa Nchi za Ziwa Tanganyika zinazoundwa na Tanzania, Zambia, Burundi na Jamhuri ya Kidemokrasia ya Congo wa kujadili kuongezeka kwa kina cha ziwa hilo uliofanyika jijini Dar es Salaam leo Oktoba 04, 2024.

Mhe. Khamis amesema kuwa zipo hatua mbalimbali ambazo Serikali ya Tanzania inachukua kuhakikisha Ziwa Tanganyika linakuwa salama kimazingira.

Amesema Serikali imekuwa ikihimiza wananchi hususan wanazunguka ziwa hilo kupanda miti katika maeneo yanayolizunguka ili kupunguza mmomonyoko wa udongo.

Halikadhalika, Naibu Waziri Khamis amesema ili kukabiliana na changamoto ya uvuvi usio endelevu na zisizo rasmi ambazo kwa kiwango kikubwa zinachangia katika uharibifu wa mazingira.

“Kama nchi tunasimamia Sheria za Uvuvi ili wananchi wetu waweze kuzifuata ili lengo la kupunguza athari za mabadiliko ya tabianchi litimie na hatimaye maji haya ya ziwa yawe yanapungua siku hadi siku,“ amesisitiza.





Read more »

at Friday, October 04, 2024 0















WAZIRI wa Kilimo, Mhe. Hussein Bashe (Mb) amezindua kiuatilifu hai cha kuangamiza wadudu dhurifu kwenye mazao (THURISAVE - 24) kilichovumbuliwa na kampuni ya Tanzania Biotech Products Limited (TBPL) leo tarehe 4 Oktoba 2024, mkoani Pwani.

Kiuatilifu hicho cha Thurisave kinadhibiti wadudu waharibifu wa zao la pamba na kantangaze kwenye nyanya. Kiuatilifu kinachodhibiti mbu ni aina nyingine ambacho pia kinatengenezwa na kampuni hiyo ya TBPL.

Wakati wa hotuba yake, Waziri Bashe amezielekeza Wizara ya Kilimo, Taasisi ya Utafiti wa Kilimo Tanzania (TARI) na Mamlaka ya Afya ya Mimea na Viuatilifu Tanzania (TPHPA) kuangalia uwezekano wa kuwa na makubaliano ya ushirikiano na Kampuni ya TPBL katika tafiti na uzalishaji wa viuadudu vya wadudu waaribifu wa mazao.

“TPHPA pia iangalie uwezekano wa kununua kiuatilifu hiki cha (THURISAVE - 24) na kusambaza bure kwa wakulima wa pamba na mahindi,” ameelekeza Waziri Bashe. Aidha, ameielekeza zaidi TPHPA ifanye utafiti ili kuweza kuangalia uwezekano wa kuwa na kiuatilifu hai kwa ajili ya zao la parachichi ambalo linazalishwa zaidi mikoa ya Njombe, Mbeya, Iringa, Kilimanjaro na mingine.

Kiwanda cha TBPL ni kiwanda cha Serikali chini ya usimamizi wa Shirika la Taifa la Maendeleo (NDC), ambapo kina thamani ya Dola za Marekani zaidi ya milioni 24 na ni kiwanda pekee barani Afrika kinachozalisha viuadudu vya kuangamiza mazalia ya mbu hususan kwenye mazao ya mahindi na pamba.

Aidha, hafla hiyo imehudhuriwa pia na Mkuu wa Mkoa wa Pwani, Mhe. Abubakar Kunenge, Viongozi wa Taasisi za TPHPA, TARI na Viongozi wa Kampuni ya Tanzania Biotech Products Limited (TBPL).
Read more »
Older Posts
Subscribe to: Posts (Atom)


Top News