BREKING NYUUUZZZZZZZ-VIONGOZI WA DECI KIZIMBANI

VIONGOZI WA DECI WAKIWA MAHAKAMA YA HAKIMU MKAZI KISUTU LEO, WAKIKABILIWA NA MASHTAKA MAWILI.

1. KUENDESHA NA KUSIMAMIA MRADI WA UPATU

2. KUPOKEA AMANA KUTOKA KWA UMMA BILA LESENI

DHAMANA YAO IKO WAZI HADI TUNAINGIA MITAMBONI WALIKUWA BADO SELO MAHAKAMANI KISUTU.

HABARI KAMILI

VIONGOZI watano wa Deci wamepandishwa katika Mahakama ya Hakimu Mkazi Kisutu jijini Dar, wakikabiliwa na mashtaka mawili.

Viongozi hao walipamdishwa ni Jackson Mtalesi, Dominic Kigendi, Timotheo Saiguran Ole Loitg’nye, Samwel Mtares na Arbogast Kipilimba.

Baada ya kupandishwa kizimbani, walisomewa mashtaka yanayowakabili, ambapo katika shtaka la kwanza wanakabiliwa na tuhuma za kuendesha na kusimamia mradi wa upatu.

Katika shtaka hilo washtakiwa hao wanadaiwa kwamba kati ya mwaka 2007 na Machi, 2009 katika makao makuu ya Taasisi hiyo, pamoja na maeneo mengine ya nchi walisimamia na kuendesha mradi wa upatu kwa kukusanya fedha kutoka kwa umma, kwa ahadi ya kuwapa matumaini ya kumiliki fedha zaidi, ambazo katika mazingira ya kibiashara ilikuwa ni kubwaa kuliko mtaji.

Shitaka la pili ni la kupokea amana kutoka kwa umma bila leseni. Wanadaiwa kuwa katika kipindi cha mwaka 2007 na Machi, 2009 wakiwa katika ofisi za taasisi hiyo na maeneo mengine nchini, walipokea amana kutoka kwa umma bila leseni.

Hata hivyo, walikana kuhusika na mashtaka hayo waliyosomewa, ambapo walipelekwa mahabusu baada ya upande wa mashtaka katika kesi hiyo kuiomba mahakama kutotoa mashari ya dhamana kwa sasa kwa madai kuwa Mpelelezi Mkuu wa kesi hiyo aliomba hivyo.

Kesi hiyo iliahirishwa hadi Juni 17, mwaka huu itakapotajwa mahakama hapo.