ZAIDI ya shilingi Bilioni 8.5 zimetumika kukarabati na kujenga majengo mapya ya kituo cha mafunzo ya kufua umeme kwa kutumia nguvu za maji cha Kikuletwa kinachomilikiwa na Chuo cha Ufundi Arusha , ATC.
Akizungumza wakati wa uzinduzi wa kituo hicho Naibu Waziri wa Elimu, Sayansi na Teknolojia William Ole Nasha amesema uendelezaji wa kituo hicho ni sehemu ya mpango mkakati wa Serikali wa uboreshaji utoaji wa Elimu ya Ufundi nchini kwa kutoa mafunzo kwa vitendo.
Amesema mfumo huo utawezesha kupata wahitimu walio mafundi na mahiri waliobobea katika fani ya kufua umeme.
“Elimu itakayopatikana hapa itawasaidia vijana kujiajiri kwani kuna fursa nyingi kwenye kujiajiri kuliko kusubiri fursa chache zilizopo za kuajiriwa, nina uhakika vijana wanaotoka hapa watakuwa mahiri katika kufua umeme ” Amesema Ole Nasha.
Amesisitiza kuwa uanzishaji wa Kituo cha mafunzo cha kufua umeme kwa kutumia nguvu ya maji Kikuletwa umelenga kuongeza watalaamu; hasa mafundi stadi (artisans) na mafundi sanifu (technicians) ambao watashiriki katika ufuaji wa umeme kutoka vyanzo vidogovidogo vya maji na vikubwa pamoja na kufanya tafiti juu ya nishati jadidifu (Research in renewable energy) ikiwemo uzalishaji umeme kutokana na nguvu ya maji.
Ole Nasha amesema serikali inatambua umuhimu wa Elimu ya ufundi kuelekea Tanzania ya viwanda ambapo inaendelea kufanya uwekezaji mkuwa katika vyuo vya ufundi, uwekezaji ambao umeongeza udahili na ubora katika Elimu ya ufundi.
Kutokana na uwekezaji unaoendelea idadi ya wanafunzi wanaojiunga na mafunzo ya ufundi imeongezeka kutoka 30,000 mwaka 2015 hadi 151,969 mwaka 2019 pia inaendelea na ujenzi wa vyuo vipya vya ufundi stadi 43 kwa gharama ya shilingi bilioni 92 katika maeneo mbalimbali nchini pamoja na ujenzi wa chuo kipya Jijini Dodoma chenye hadhi sawa na ATC au DIT kwa gharama ya shilingi bilioni 18.
Aidha, Naibu Waziri ameongeza kuwa serikali imeanza utekelezaji wa mradi mkubwa wa Elimu ya Ufundi Afrika Mashariki (EASTRIP) unaofadhiliwa na Benki ya Dunia kwa gharama ya dola za kimarekani milioni 75 unaolenga kuleta mapinduzi katika Elimu ya ufundi nchini kwa kuvijengea vyuo uwezo ili viweze kuzalisha wanafunzi wenye ujuzi stahiki, ujenzi wa miundombinu bora, kuweka vifaa na kuwajengea uwezo wakufunzi.
Kaimu Mkuu wa Chuo hicho Dkt.Masudi Senzia amesema kuwa tayari kituo hicho kimeanza kupokea wanafunzi ambao wanapata mafunzo katika fani mbalimbali za kufua umeme ambapo vijana wanaouzunguka eneo la Kikuletwa wamejitokeza kwa wingi kwa ajili ya kupata elimu itayowaezesha kujikwamua kimaisha.
Masudi ameongeza kuwa kupitia ufadhili wa benki ya dunia kituo kitaendelea kupanuliwa ili kiweze kuhudumia nchi za Afrika Mashariki kama kituo cha umahiri .
Kwa upande wake Balozi wa Norway nchini Tanzania Elizabeth Jacobsen amesema kuwa Norway itaendelea kuimarisha ushirikiano uliopo baina yake na Tanzania kwa kuendelea kusaidia na kuijengea uwezo Vyuo katika masuala ya nishati jadidifu itakayosaidia kufikia uchumi wa kati na Tanzania ya Viwanda.
Balozi Elizabeth amesema kuwa kituo hicho kitasaidia katika mafunzo ya jinsi ya kuongeza uzalishaji wa umeme unaotokana na maji katika maeneo mbalimbali nchini huku ukilenga kujenga wataalamu waliobobea katika kufua umeme.
Akizungumza wakati wa uzinduzi wa kituo hicho Naibu Waziri wa Elimu, Sayansi na Teknolojia William Ole Nasha amesema uendelezaji wa kituo hicho ni sehemu ya mpango mkakati wa Serikali wa uboreshaji utoaji wa Elimu ya Ufundi nchini kwa kutoa mafunzo kwa vitendo.
Amesema mfumo huo utawezesha kupata wahitimu walio mafundi na mahiri waliobobea katika fani ya kufua umeme.
“Elimu itakayopatikana hapa itawasaidia vijana kujiajiri kwani kuna fursa nyingi kwenye kujiajiri kuliko kusubiri fursa chache zilizopo za kuajiriwa, nina uhakika vijana wanaotoka hapa watakuwa mahiri katika kufua umeme ” Amesema Ole Nasha.
Amesisitiza kuwa uanzishaji wa Kituo cha mafunzo cha kufua umeme kwa kutumia nguvu ya maji Kikuletwa umelenga kuongeza watalaamu; hasa mafundi stadi (artisans) na mafundi sanifu (technicians) ambao watashiriki katika ufuaji wa umeme kutoka vyanzo vidogovidogo vya maji na vikubwa pamoja na kufanya tafiti juu ya nishati jadidifu (Research in renewable energy) ikiwemo uzalishaji umeme kutokana na nguvu ya maji.
Ole Nasha amesema serikali inatambua umuhimu wa Elimu ya ufundi kuelekea Tanzania ya viwanda ambapo inaendelea kufanya uwekezaji mkuwa katika vyuo vya ufundi, uwekezaji ambao umeongeza udahili na ubora katika Elimu ya ufundi.
Kutokana na uwekezaji unaoendelea idadi ya wanafunzi wanaojiunga na mafunzo ya ufundi imeongezeka kutoka 30,000 mwaka 2015 hadi 151,969 mwaka 2019 pia inaendelea na ujenzi wa vyuo vipya vya ufundi stadi 43 kwa gharama ya shilingi bilioni 92 katika maeneo mbalimbali nchini pamoja na ujenzi wa chuo kipya Jijini Dodoma chenye hadhi sawa na ATC au DIT kwa gharama ya shilingi bilioni 18.
Aidha, Naibu Waziri ameongeza kuwa serikali imeanza utekelezaji wa mradi mkubwa wa Elimu ya Ufundi Afrika Mashariki (EASTRIP) unaofadhiliwa na Benki ya Dunia kwa gharama ya dola za kimarekani milioni 75 unaolenga kuleta mapinduzi katika Elimu ya ufundi nchini kwa kuvijengea vyuo uwezo ili viweze kuzalisha wanafunzi wenye ujuzi stahiki, ujenzi wa miundombinu bora, kuweka vifaa na kuwajengea uwezo wakufunzi.
Kaimu Mkuu wa Chuo hicho Dkt.Masudi Senzia amesema kuwa tayari kituo hicho kimeanza kupokea wanafunzi ambao wanapata mafunzo katika fani mbalimbali za kufua umeme ambapo vijana wanaouzunguka eneo la Kikuletwa wamejitokeza kwa wingi kwa ajili ya kupata elimu itayowaezesha kujikwamua kimaisha.
Masudi ameongeza kuwa kupitia ufadhili wa benki ya dunia kituo kitaendelea kupanuliwa ili kiweze kuhudumia nchi za Afrika Mashariki kama kituo cha umahiri .
Kwa upande wake Balozi wa Norway nchini Tanzania Elizabeth Jacobsen amesema kuwa Norway itaendelea kuimarisha ushirikiano uliopo baina yake na Tanzania kwa kuendelea kusaidia na kuijengea uwezo Vyuo katika masuala ya nishati jadidifu itakayosaidia kufikia uchumi wa kati na Tanzania ya Viwanda.
Balozi Elizabeth amesema kuwa kituo hicho kitasaidia katika mafunzo ya jinsi ya kuongeza uzalishaji wa umeme unaotokana na maji katika maeneo mbalimbali nchini huku ukilenga kujenga wataalamu waliobobea katika kufua umeme.
Balozi wa Norway nchini Elisabeth Jacobsen akizungumza katika halfa ya uzinduzi wa kituo cha mafunzi ya kufua umeme jwa kutumia nguvu ya maji wilayani Hai mkoani Kilimanjaro.
Naibu Waziri wa Elimu, Sayansi na Teknolojia William Ole Nasha akizungumza jambo wakati wa kukagua mitambo inayotumika katika kituo cha mafunzo ya kufua umeme kwa kutumia nguvu ya maji.
Naibu Waziri wa Elimu, Sayansi na Teknolojia William Ole Nasha akipongezwa na Balozi wa Norway mara baada ya kuzindua Kituo cha Mafunzo cha kufua umeme kwa kutumia nguvu ya maji.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...