tanzania yaibuka kidedea katika michuano ya chalenji ya gofu kwa nchi za afrika mashariki. kilaji cha ndovu chang'ara katika udhamini

Mgeni rasmi, Mkurugenzi wa Michezo wa Wizara ya Habari, Vijana Utamaduni na Michezo, Leonard Thadeo akiwavalisha medali wachezaji wa timu ya gofu Wanawake Tanzania.

 Meneja wa kilaji cha Jamii cha Ndovu Special  Malt cha Tanzania Breweries Limited  ambao walidhamini michuano hii, Bi. Pamela Kikuli  (fulana ya kijani) akiwa  na baadhi ya wachezaji wa timu ya Gofu ya Wanawake Tanzania wakati wa hafla ya kuwazawadia washindi iliyofanyika jana jioni katika viwanja vya Gofu vya Lugalo jijini Dar. Kulia ni Hawa Wanyeche,na watatu kulia ni Nahodha wa timu hiyo Madina Iddi  na kushoto ni mmoja ya wachezaji nyota Angel Eaton. 

Tanzania Ladies Golf Union ilianzishwa mwaka 1992 and ikasajiliwa na Baraza la Michezo la Taifa. Chama hiki kilianzishwa ili kuwapa nafasi wanawake wa rika zote kwenye mchezo huu wa Golf.

Tanzania ndio waandaaji wakuu wa michuano hii ya chalenji ya gofu ya Afrika mashariki ya mwaka 2011. Timu zilizoshiriki zilikuwa ni Zambia, Kenya, Uganda na Tanzania, na timu ya Tanzaia (Tanzanite) iliibuka na ushindi.

Meneja wa bia ya Ndovu Special Malt, Pamela Kikuli, alisema  Kiwanda cha Bia cha Tanzania (TBL), kupitia kinywaji chake cha Ndovu Special Malt, kinatambua umuhimu wa kuinua vipaji mbalimablai, ikiwemo mchezo huu wa Gofu. Ndovu Special Malt imekuwa na inaahidi kuendelea kuwa mstari wa mbele katika kuinua vipaji kama hivi.

 Wachezaji wa Tanzania wakishangilia ubingwa wao

Bi. Monica Ntege akiwavalisha medali wachezaji wa timu ya gofu Wanawake ya Zambia  kwa kuibuka washindi wa pili katika michuano hiyo iliyofikia tamati jana  katika viwanja vya Lugalo,jijini Dar.

 Rais wa Chama cha Gofu cha Wanawake Tanzania (TLGU), Mbonile Burton akizungumza machache mbele ya mgeni rasmi pamoja na wageni mbalimbali waliofika kwenye tamati ya michuano hiyo,kwenye viwanja vya Gofu,Lugalo jijini Dar.

 Rais wa Chama cha Gofu cha Wanawake Zambia,Moono Mwila pichani kushoto akimkabidhi zawadi ya bendera ya chama chakeRais wa Chama cha Gofu cha Wanawake Uganda Dr Rose Azuba kuonyesha ushirikiano mzuri kwenye michezo.

Wageni waalikwa mbalimbali walifika kushuhudia tukio hilo .

 Timu ya Gofu Wanawake Tanzania wakishangilia jambo.Timu hiyo imeibuka kinara kwenye michuano ya Chalenji ya gofu kwa wanawake iliyoshirikisha mataifa manne Kenya, Uganda, Zambia na wenyeji Tanzania iliyofunguliwa mnamo Agosti 16 kwenye viwanja vya Lugalo jijini Dar na kufikia tamati jana. Ndovu walidhamini michuano hiyo

 Mfunguzi wa Michuano hiyo ya Chalenji ya gofu kwa wanawake iliyokuwa ikishirikisha Mataifa manne Kenya, Uganda, Zambia na wenyeji Tanzania,Mkuu wa Majeshi mstaafu wa Tanzania, Jenerali George Waitara

akimkabidhi trofi Nahodha wa Timu ya Gofu Wanawake Tanzania,Madina Iddi

 Timu ya gofu Wanawake Uganda nao wakikabidhiwa zawadi zao pamoja na Medali,ambao waliibuka washindi wa nne katika michuano hiyo.

Rais wa Chama cha Gofu cha Wanawake Tanzania (TLGU), Mbonile Burton akiwakabidhi zawadi wachezaji wa timu ya Gofu Wanawake ya Kenya,ambao waliibuka washindi watatu katika michuano hiyo.

.

 Mgeni rasmi, Mkurugenzi wa Michezo wa Wizara ya Habari, Vijana Utamaduni na Michezo, Leonard Thadeo akikabidhi kombe la ushindi kwa Nahodha Madina Iddi,mara baada ya kuibusha washindi katika mashindano

ya Gofu ya wanawake kwa nchi za Afrika Mashariki na Kati,ambapo Tanzania waliibuka Washindi.Michuano hiyo ya Chalenji ya gofu kwa wanawake iliyoshirikisha mataifa manne Kenya, Uganda, Zambia na wenyeji Tanzania, ilifunguliwa mnamo Agosti 16 kwenye viwanja vya Lugalo jijini Dar na kufikia tamati jana,Agosti 18

 Timu ya Gofu Wanawake Tanzania wakiwa na baadhi ya Wadau wakiwa katika picha ya pamoja mara baada ya kukabidhiwa kombe lao,kwa ushindi wao mnono walioiubuka nao kwenye michuano ya Chalenji ya gofu kwa wanawake iliyoshirikisha mataifa manne Kenya, Uganda, Zambia na wenyeji Tanzania 

 Baada ya kukabidhiwa kombe kwa timu ya Tanzania,ilikuwa ni furaha na vifijo kwa wadau wa mchezo huo

Timu ya Tanzania na makombe yao.