KAULI YA RAIS MAGUFULI BAADA YA TAIFA STARS KUIFUNGA UGANDA CRANES 3-0

Na Said Mwishehe,Globu ya Jamii

Rais wa Jamhuri ya Muungano wa Tanzania  Dk. John Pombe Magufuli amesema kuwa amefurahishwa mno  na ushindi wa mabao 3-0 ambao timu ya Tanzania ' Taifa Stars'  imeshinda dhidi ya timu ya Taifa ya Uganda na kufuzu kucheza fainali za AFCON nchini Misri Baadaye mwaka huu.

Akizungumza kutoka Ikulu jijini Dar es Salaam baada ya mpira kumalizika Rais amesema ushindi wa Taifa Stars ni heshima kwa Tanzania na kwamba leo ameona mpira mkubwa kulinganisha na siku za nyuma.

Hata hivyo Rais Magufuli amezungumzia mchezo huo na kubwa zaidi ametoa pongezi kwa wachezaji kwa mpira ambao wameuonesha na hakika amefurahi sana kwani mpira aliokuwa akitamani kuuona leo ameuona.

"Ni heshima kubwa kwa nchi yetu,hongereni wachezaji,hongereni wote ambao mmefanikisha ushindi .Kwanu nimefurahi sana na leo nilisema sitaenda uwanjani ili niuone hapa hapa Ikulu.

"Ni heshima kubwa kwa nchi yetu," amesema Rais Magufuli huku akieleza matokeo ya Lesotho na Cape Verde nayo yamemfurahisha kwani yameivusha Tanzania kwenda Misri.