Amcoss zitakazopatikana na vyeti hewa kukiona-dc Tandahimba

Mkuu wa Wilaya ya Tandahimba Sebastian Waryuba amewataka viongozi wa vyama vya msingi (Amcos) kuacha vitendo vya ubadhilifu na utoaji wa vyeti hewa katika msimu huu wa Korosho

Akizungumza na Viongozi wa vyama vya msingi amesema wao  wamekuwa ni chanzo Cha vyeti hewa.

"Sitaki kusikia  vyeti hewa  anayeleta  mzigo wake  ndiye  anayepaswa kulipwa  na si vinginevyo,hatutawavumilia hatua kali tutawachukulia,wakulima wapewe haki zao,"amesema Waryuba

Amesema viongozi ili waweze kuitenda kazi hii kwa weledi  ni lazima wapate makarani waaminifu ambao wanaweza kufanya kazi kwa ufanisi

Hakikisheni  makarani wenu wawe na mkataba  na wadhaminiwe  na watu wenye dhamana hatutaki makarani wababaishaji,"amesema Waryuba

Aidha aliwataka wakulima kukausha korosho zao ili waweze kupata kilo sahihi wanapopeleka ghalani 

"Wakulima kausheni vizuri korosho ili zinapokwenda ghalani ziwe na kilo sahihi,mnapopeleka korosho hazijakauka vizuri zinapokaa zinakauka hivyo zinapokuja kupimwa Tena zinaonekana zimepungua utata unaanzia Hapo,"anasema Waryuba.

 Mkuu wa Wilaya Sebastian Waryuba  akifafanua Jambo kwa viongozi wa Amcos 

Afisa Ushirika wa Wilaya Sudi Rajabu.

Baadhi ya Wananchi wakifuatilia yaliyokuwa yakijiri kwenye kikao hicho.