KUMBUKUMBU YA MIAKA SABA YA KIFO CHA NDALA KASHEBA LEO

SIKILIZA WIMBO WAKE WA MWISHO  'YELLOW CARD'  

Freddy Supreme Ndala Kasheba akitumbuiza enzi za uhai wake katika Bustani ya Mnazi Mmoja miaka ya 90, wakati huo akiwa na Orchestra Safari Sound WANA OSS na mtindo wao wa 'Dukuduku'. Hapa alikuwa anaanza kupiga wimbo wa DUNIA MSONGAMANO katika mtindo wa  'Chunusi'. Hii ni mojawapo ya taswira nyingi za Ankal zilizokuwa zikipamba kurasa za Daily News enzi hizo za Black & White na ilizua utata kwani ilidhaniwa kuwa imefanyiwa utundu kwa kumtoa kiongozi na kumuweka mwanamuziki badala yake, wakiwa na imani kwamba mwanamuziki hawezi kuvutia umati namna hiyo. Ankal alipoonesha negative na kuthibitishwa kuwa ni picha halisi mambo yakaisha. 

Kuangalia video yake BOFYA HAPA

Pia habari za kumbukumbu za Ndala Kasheba BOFYA HAPA

Pia BOFYA HAPA

Na John Kitime
http://www.wanamuzikiwatanzania.blogspot.com/

Leo tunatimiza miaka saba toka kifo cha mwanamuziki mahiri Ndala Kasheba. 

Freddy Supreme au maarufu kwa wengi kama Ndala Kasheba alianza kujifunza gitaa akiwa na umri mdogo wa miaka 12, alipofika umri wa miaka 17 alikuwa tayari mwanamuziki mahiri wa Orchestre Fauvette, akiwa na wanamuziki wenzie kama Baziano Bweti na King Kiki. Mwaka 1968.

Kundi zima la watu tisa lilipanda mashua za walanguzi wa chumvi na kuvuka Ziwa Tanganyika toka Kongo hadi Tanzania kwa kupitia Kigoma. Kundi hili, Orchestre Fauvette,  lilitikisa anga za  Tanzania kwa vibao ambavyo wengi huvikumbuka mpaka leo, kama vile Fransisca, Vivi, Nono na Kalemie, Zula, Jacqueline. 

Kasheba aliweza kuimarisha jina lake zaidi alipolifanya maarufu gitaa la nyuzi kumi na mbili, mwenyewe akiliita nyuzi dazani, hasa alipoanza kulipiga kwa mtindo wa Dukuduku akiwa Safari Sound Orchestra. Pamoja na bendi hizo Kasheba pia alipitia  Safari Nkoy, Zaita Muzika, Kasheba group, pia alipita Maquis, na kwa wiki chache alipitia Tancut Almasi.

Kasheba alifariki 22 Oktoba 2004 akiwa na miaka 58.

MOLA AIWEKA MAHALI PEMA ROHO YAKE

AMINA