malkia

malkia wa taarabu aliepata mafunzo toka kwa malenga siti binti saadi, bi. kidude baraka, akiwasili ngome kongwe tayari kwa sauti za busara mwaka juzi.

nabandika insha hii fupi ya picha kumuenzi bi. kidude ambaye amepeperusha sana bendera ya bongo nje ya nchi kwa miongo kibao, na hadi sasa ambapo ana umri wa zaidi ya miaka 80 anaendeleza libeneke, ingawa nasikia afya yake safari hii kidogo inasumbuasumbua...

kesho tamasha la nnne la sauti za busara linazinduliwa rasmi na waziri wa habari, utamaduni na michezo mh. muhammad seif khatibu na zaidi ya vikundi 40 toka ndani na nje ya nchi vitatumbuiza wiki nzima hapo ngome kongwe.

filamu ya bi. kidude inatarajiwa kufungua dimba la tamasha hili ambalo linachangia kwa kiasi kikubwa biashara ya utalii visiwani na bongo nzima kwa ujumla.

tamasha hili litafungwa rasmi huko kendwa beach siku ya wapendanao kwa burudani ya usiku kucha katika kukazia ule usemi wa waandaaji wa 'hakuna kulalaaaaaaa!'

kiingilio ni bure kati ya saa 12 jioni hadi saa 2 usiku ambapo baada ya hapo inabidi utoe kitu kidogo. panapo majaaliwa nategemea kuwa huko wiki nzima hivyo stei tyuund...

kwa khabari zaidi bofya www.busaramusic.com