pasaka na maulidi njema

NAPENDA KUCHUKUA FURSA HII KUWATAKIA WADAU WOTE POPOTE MLIPO DUNIANI PASAKA NA MAULIDI NJEMA. NI FURAHA ILIOJE KUADHIMISHA SIKUKUU HIZI TAKATIFU HUKU TUKIENDELEZA LIBENEKE KAMA KAWAIDA.

SI RAHISI KUMTAJA KILA MMOJA KWANI WENGI NI 'MAANONY' ILA KWA UCHACHE NIWATAJE MH. BARAKA WA CHIBIRITI PAMOJA NA ANTI SUBI NA BIBIE MANKA MUSHI AMBAO BILA SHAKA NDIO WAMEKUWA WAKITUCHANGAMSHA KWA MADA ZAO MOTO PAMOJA NA UVUMILIVU WA HALI YA JUU KWA UTANI MWINGI AMBAO WABONGO TUMEJAALIWA NAO, NA AMBAO BAADA YA SULUBU LA KUZUNGUSHA GURUMU LA MAISHA HULETA VICHEKO KATIKA KILA KONA.

VILE VILE NAPENDA KUWAARIFU KWAMBA MDAU WA MILIONI 4 ANAKARIBIA HIVYO SI VIBAYA TUKAANZA SASA KUPANGA NAMNA YA KUMPATA ILI KUONDOA UTATA AMBAO UMEKUWA UKIJITOKEZA KWA NAMNA MOJA AMA INGINE, HASA IKIZINGATIWA KWAMBA MFADHILI AMEONESHA NIA YA KUONGEZA DAU TOKA DOLA 500 HADI DOLA 1000 KWA ATAKAYEBAHATIKA KUWA MDAU WA MILIONI 4.

NAKARIBISHA MAONI YA NAMNA YA KUMPATA MDAU HUYO WA MILIONI 4 NA TUTAPOKUBALIANA, KWA NAMNA YA WENGI WAPE, IWE HIVYO PINDI MUDA UTAPOWADIA.

VINGINEVYO SINA LA ZAIDI ILA KUWASHUKURU SANA WADAU KWA KAMPANI YA NGUVU MNAYONIPA KIASI NAJISIKIA NIKO KILA SEHEMU DUNIANI NA SI BONGO PEKEE.

OMBI LANGU KWA WADAU WOTE NI KUENDELEA KUPENDANA NA KUKOSOANA PASIPO KUCHAFUA HALI YA HEWA, NA IELEWEKE KWAMBA KILICHO CHEMA KWA BATA MZINGA NI KIBAYA KWA KUKU. HIVYO SI RAHISI KWANGU KUWEZA KUMRIDHISHA KILA MMOJA WENU HATA IWE VIPI. HIVYO NA TUVUMILIANE KWA LOLOTE KATIKA KUENDELEZA LIBENEKE.

NATOA SHUKKRANI ZA DHATI KWA WACHANGIAJI WA MADA NA PICHA AMBAO PIA NI WENGI NA SINA UBAVU KUWATAJA WOTE, HIVYO NAOMBA MPOKEE SHUKRANI ZANGU KWA MPIGO HUKU NIKIACHIA MLANGO WAZI KWA MICHANGO YA MADA NA PICHA KWENYE GLOBU HII YA JAMII KUPITIA issamichuzi@gmail.com

NITAKUWA MTOVU WA FADHILA NISIPOWASHUKURU PIA SPONSA WA GLOBU HII YA JAMII WAKIWEMO TIGO, EASY FINANCE, BANG! MAGAZINE PAMOJA NA ARISE BEAUTY SUPPLY AMBAO NAWAAMBIA ASANTE KWA KUNIWEZESHA KUENDELEZA LIBENEKE NDANI NA NJE YA BONGO

ASANTENI WADAU WOTE, MOLA AWE NANYI DAIMA

-MICHUZI