mhandisi omari nundu aula kwa mara ingine

Mhandisi Omari Nundu (pichani akipokea zawadi toka kwa mwenyekiti wa bodi ya TCAA Mh. Mwantumu Malale baada ya kuteuliwa mara ya kwanza) amechaguliwa kwa mara ya pili kuwa Rais wa Tume ya ufundi ya Shirika la Kimataifa la Usafiri wa Anga Duniani.

Mara ya kwanza Mhandisi Nundu alichaguliwa katika nafasi hiyo Desemba mwaka jana, akiwa ni mwafrika wa kwanza kupata nafasi hiyo katika kipindi cha miaka 29 iliyopita.

Kwa kuchaguliwa kwa mara ya pili kwa nafasi hiyo, Mhandisi Nundu anavunja kawaida ya miaka mingi kwamba nafasi hiyo inashikwa kwa kipindi kimoja tu. Mhandisi Nundu pia ni Mkurugunzi wa Uhusiano wa Kimataifa katika Tanzania Civil Aviation Agency (TCAA).