tigo yadhamini onesho la redd ribbon

Kushoto) Ofisa Uhusiano wa Tigo Bw, Jackson Mmbando akikabidhi hundi ya shilingi milioni 10 kwa Mwenyekiti wa Tanzania Mitindo House, Bi Khadija Mwanamboka kudhamini Onesho la Mavazi la Red Ribbon Gala lililoandaliwa na Tanzania Mitindo House kwa lengo la kukusanya pesa zaidi ya shilingi milioni 200 kwaajili ya kujenga kituo cha watoto wanaoishi katika mazingira magumu wa kituo cha Magomeni.Onesho hilo litafanyika tareh 28 katika hoteli ya Move n Pick Dar. Katikati kulia ni wanamitindo washiriki Asia Idarous na anefuata ni Rose Valentine.

Leo hii kampuni ya Simu ya mkononi ya Tigo tunajisikia faraja kuungana na Tanzania Mitindo House (TMH) kwa kudhamini onesho kubwa linalofanyika kila mwaka la Red Ribbon 2008 lenye dhamira ya kukusanya pesa kwaajili ya kusaidia kituo cha watoto yatima ambao wazazi wao wamepoteza maisha baada ya kuathirika na virusi vya ukimwi.

Dhamira ya Tigo kudhamini onesho hili ni kuwaunga mkono Tanzania Mitindo House na kusaidia watoto wanaoishi katika mazingira magumu kwenye kituo chao cha Magomeni kupitia Onesho la Red Ribbon"

Tigo tumechangia shilingi milioni Tano kwa kutambua umuhimu mkubwa wa kusaidia jamii hii kwa kuwa ni njia mojawapo ya kurudisha kwa jamii kiasi cha faida tunayopata kutokana na ushirikiano mzuri kwenye biashara yetu hii ya mawasiliano kwa wateja wetu wa Tanzania.

Hivyo basi Tigo tunawapongeza waandaaji wa onesho hili na kuwashukuru wanamitindo waliojitokeza kuunga mkono wazo hili lenye dhamira nzuri ya kuimarisha ushikiano na undugu wa Watanzania kusaidiana ambao ni ROSE VALENTINE, ALLY REHMTULLAH, ROBBY MORO, ZAMDA GEORGE, FRANKO DESIGNS, KHADIJA MWANAMBOKA, ASIA IDAROUS, JAMILA SWAI, PAKA WEAR, AIDA SYKES, KIM DEAN, pamoja na JOHN KAVEKE kutoka Kenya na FAROUK ABDELA kutoka Zanzibar.

Bado Tigo tutaendelea na utaratibu wa kupokea na kusaidia michanganuo mingi nchini Tanzania inayoonyesha kuifaidisha jamii katika sekta mbalimbali ikiwemo Afya, Michezo, Elimu na mazingira ya jamii,

Hivyo tunawaomba watanzania kuiga mfano mzuri wa Tanzania Mitindo House kuhakikisha wanatumia vizuri nafasi zao kuandaa matukio yenye lengo la kuileta burudani pamoja na kusaidia jamii nzima ili iweze kuwa na maisha bora zaidi.