bongo star search ya dar jumamosi hii

Mkurugenzi wa Benchmark Ritah Paulsen (katikati)akiongea na waandishi wa habari kuhusu shindano la kuwasaka nyota Bongo Star Seach(BSS)kwa mkoa wa Dares Salaam zoezi hilo litafanyika jumamosi hadi jumapili katka ukumbi wa World cinema.(kushoto)Meneja udhamini wa Vodacom Emillian Rwejuna na kulia ni Meneja Mawasiliano Nector Foya wa Vodacom Tanzania ambao ni wadhamini wakuu wa Bongo Star Search.

Shindano la kuwasaka nyota wa Bongo Star Search (BSS)kwa mkoa wa Dares Salaam litafanyika jijini Dares salaam Jumamosi na Jumapili wiki hii katika ukumbi wa World Cinema ambapo washiriki 2000 wanategemewa kujitokeza.

Meneja Mawasiliano wa Vodacom Tanzania, Nector Foya alisema Jijini jana kwamba sasa ni zamu ya Mkoa wa Dar kusaka vijana wenye vipaji vya uimbaji hivyo vijana wa mkoa huu hawana budi kujitokeza kwa wingi.

Alisema shindano hili limeshafanyika katika mikoa mbali mbali ikiwemo Zanzibar na kwamba sasa ni zamu ya vijana wa Dar es Salaam.

“Natoa wito kwa vijana wa Jijini hapa kujitokeza kwa wingi,” alisema.
Alisema mwaka huu Vodacom Tanzania imedhamini kwa mara ya kwanza shindano hilo na kwamba litakuwa bora zaidi.

Alisema mbali na kuonyesha vipaji vyao, vijana pia watajishindia zawadi mbalimbali kutoka kwa Vodacom Tanzania.

“Ni matumaini yetu kwamba baada ya kujisajili kwa wingi washindi wataweza kuingia katika ulimwengu mpya wa muziki na kuweza kujiajiri katika fani hiyo kwa siku za usoni” alisem.

Nae Mkurugenzi wa Benchmark Rita Paulsen alisema anatoa wito kwa vijana kujitokeza kwa wingi ili waweze kujipatia njia pekee ya kuweza kujiendeleza katika maisha ya mziki katika maisha yao yawe bora.

“Tumekuwa tukifanya hivyo kwa kuamini kwamba sekta hii ikitumiwa vizuri inaweza kutoa nafasi nyingi za ajira kwa vijana na hivyo kupunguza wimbi la umasikini” alisema