LIBENEKE LA DECI MOROGORO: WANACHAMA WAMIMIMIKA KUJIHAKIKI KABLA YA KURUDISHIWA MBEGU WALIZOPANDA

Baadhi ya wanachana wa DECI Tawi wa Morogoro wakisoma tangazo la maelekeo ya namna ya kurudishiwa mbegu walizopanda katika taasisi hiyo tata

Stori na picha na John Nditi, Morogoro

WANACHAMA wa Taasisi ya Development Entrepreneurship Community Initative (DECI), Tawi la Morogoro jana walimiminika katika Tawi hilo kwa akili ya kujiorodhesha kwa lengo la kurudishiwa fedha zao walizopanda baada ya Serikali kusitisha shughuli za Deci nchini.

Baadhi ya wanachama hao ambao waliwasili katika Tawi hilo alfajiri na mapema baada ya kusoma matangazo yaliyopandikwa katika ofisi hizo wakitakiwa kuanza utaratibu wa kurodhesha majina na vielelezo vyao kwa lengo la kurudishsiwa mbegu zao.

Meneja wa Tawi hilo, Saimon Shenga, aliwatangazia baadhi ya wananchama waliofika katika Tawi hilo kuhusu utaratibu wa kurudishiwa fedha zao ambapo baadhi yao waliafiki na wengine wakiendelea kuhoji mambo kadhaa kuhusiana na faida ya kile walichopanda.

Kwa mujibu wa Meneja huyo , kwamba wanachama watakaoanza kurudishiwa fedha zao ni wale waliopanda mbegu mwezi uliopita baada ya kuorozeshwa wanarudishiwa mbegu zao Aprili 25, mwaka huu na kuendelea hivyo kutokana na muda wa kupanda mbegu zao hizo.

Hata hivyo amewakata wanachama kuwa wa kweli kwa kutoa vielelezo sahihi ili kuweza kuharakisha urudishwaji wa mbegu zao walizopanda bila ya usumbufu wowote.

Kwa mujibu wa Meneja huyo, DECI inawarudishia wanachama waliopanda mbegu kutokana na utaratibu maalumu uliokubwakliwa na Ungonzi wa Deci Taifa.

Akitoa ufafanuzi zaidi wa jambo hilo, Meneja huyo alisema iwapo mwanachama wa Deci aliyepanda mbegu ya kiasi cha sh: 40,000 na kutarajiwa kuvuna sh: 100,000 atakachoweza kurudishiwa ni mbegu yake aliyopanda ya sh; 40,000 tu.

Hata hivyo amewakata Wanachama wa Tawi hilo kuwa watulivu wakati wote wa uhakiki wa majina na viwango walivyopanda mbegu zao kwa ajili ya kuharakaisha na kukamilishwa mapema kwa zoezi hilo.

Nao baadhi ya wanachama waliofika katika Tawi hilo jana asubuhi wakizungumza kwa nyakati tofauti juu suala hilo,walionyesha wasiwasi juu ya mbegu kuweza kurudishiwa kwa wakati kwa vile waliopanda mbegu kwa vipindi tofauti na bila ya kuchukua mavuno yao kwa misingi ya kuongeza mbegu zao katika Tawi la Deci.

“ bado tunahofu juu ya utaratibu wa kurudishwa mbegu zetu…sisi wengine muda wetu wa kuvuna ulipofikia tuliziacha fedha zetu zieongeze mbegu katika Deci …” alisema mwanachama mmoja na kuongeza kuwa.

“ sasa wanasema wataturudisha kiasi tulichopanda kwa mara moja tu hizi nyingine sijui tutazipataje? ” alihoji mwanachama huyo ambaye hakupenda jina lake litajawe