libeneke la kiswahili, niaje wadau??

Habari za kazi kaka.

Katika kuperuziperuzi nimekutana na maelezo mengi tu yanayoelezea namna ambavyo kiswahili kimekua miongoni mwa lugha zinazolengwa sana kimatumizi katika ulimwengu wa tekinolojia,hasa upande wa teknolojia ya habari na mawasiliano.

Wakati sisi watanzania tukipingana kwa hoja mbalimbali juu ya matumizi ya kiswahili na umuhimu wake katika jamii na taifa letu,wenzetu wakenya wameshajua kuwa kwa sasa kiswahili kinalipa na wamekua wakijitangaza kama wao ndio wenye lugha hiyo ya kiswahili.

Kufuatia kujitangaza huko,sasa hivi wakenya wakishirikiana na makampuni makubwa ya kutengeneza programu za komputa kama vile microsoft, wamekuwa na miradi mingi inayohusu matumizi ya kiswahili katika nyanja hizo.

Hivi jamani  ni kweli sisi watanzania hatuna la kufanya katika hili? Sie tupo wapi mpaka hawa jamaa ndio waonekane wanyeji wa kiswahili,au ndio kama yale ya Kilimanjaro?.

Kibaya zaidi ni kuwa wamekuwa wakichangia katika kukiharibu kiswahili chenyewe kwa kutoa tafsiri na maana za maneno zisizokuwa sahihi na pia kuchanganya matumizi ya herufi katika maneno.

Kitaaluma mimi ni fundi,kutokana na mfumo wetu wa elimu masomo yangu yote yalikuwa kwa lugha ya kiingereza.Nilibahatika kuja Ufaransa kundelea na masomo lakini nilichokuta huku ni kwamba kiingereza hakitumiki kama huko kwetu na unaweza kukuta ni 1/10 wanaoongea kiingereza.Kwa hiyo ilinibidi kujifunza kifaransa na mpaka sasa naendelea na masomo ya ufundi lakini katika lugha hii ya kifaransa.

Kutokana na hilo nimekuwa na tamaa ya kuona kuwa huko kwetu tunatumia lugha ya kwetu katika kutoa taaluma.Naamini hii itachangia kwa kiasi kikubwa kuwa na wahitimu wengi wenye uwelewa mzuri kitaaluma.Nchi nyingi duniani zinatumia lugha za kwao katika kutoa taaluma isipokuwa nchi zile zilizokuwa makoloni ya muingereza au mfaransa. 

Wito wangu kwa wahusika wa taasisi za ukuzaji na uendelezaji wa lugha ya kiswahili : jitahidini kutafuta tafsiri na maana za maneno ili kuweza kuondoa tatizo la kutokupata tafsiri sahihi ya misamiati katika fani mbalimbali mf. utabibu,uhandisi n.k,mimi mwenyewe huwa napata taabu sana kupata tafsiri ya kiswahili kwa misamiati katika fani yangu, lakini sijakata tamaa na natumai polepole tutafanikiwa.

Kitangazeni kiswhili na kutangaza taasisi zetu pia ili kuweza kutambulika nyumbani na kimataifa pia!

Kwa kweli kuna umuhimu mkubwa sana wa watanzania kuanza kuona umuhimu wa lugha hii na hivyo kuitilia maanani na kuweza kufaidika nayo katika kila nyanja.Wakati sie tunakimbilia ugenini, mambo sasa yanageuka nao wanaona neema ipo huku kwetu ila sie hatuioni.

Unaweza kujionea zaidi katika viungo vifuatavyo:

http://www.ushahidi.com

http://habariproject.org/en/

http://perl.kamusiproject.org/cgi-bin/main.cgi

http://techdirt.com/articles/20070925/012311.shtml

fier d'être Tanzanien,

Stan D.M

8 Av du Parc,

31700 Blagnac.

France.