simba na yanga wakiingia dimbani

simba na yanga wakiingia uwanjani leo katika mchezo wao wa marudiano wa ligi kuu ya vodacom. matokeo yalikuwa ni 2-2. nimeona si vibaya mdau angalau ukapiga chabo japo kiduchu mambo yalivyokuwa kabla ya gemu.

hii ni katika kuendeleza libeneke kwa njia ya video ambapo kama nilivyowahi kuahidi huko nyuma, nitajitahidi kuwaletea taswira zinazotembea kwa kadri ya uwezo wangu. si kazi ndogo ukizingatia spidi ya mtandao wetu hapa bongo, lakini kwa kuwa mie kutoa visababu huwa sipendagi, piga ua lazima wadau mpate video mbalimbali kila siku kwa kwenda mbele!

ANGALIZO: Ukiangalia chini kulia utakuta zile tarakimu za idadi ya watembeleaji wa globu ya jamii zikionesha kwamba mdau wa milioni 6 atapatikana muda si mrefu ujao. hivyo si vibaya kukaa mkao wa kula kwani kuna ishara kwamba mfadhili atayetoa zawadi kwa huyo mdau wa milioni 6 atapatikana pia. siwezi kutaja aina ya zawadi kwa sasa ila ninatafuta maradufu ya dola 500 za kawaida. ikishindikana basi itabidi nijipinde mie mwenyewe niibanje hiyo zawadi...