houston na washingtion ngoma droo 2-2

wadau wa washington kwenye gemu
mobhale matinyi (shoto) na hasheem thabeet walikuwepo
ngoma uwanjani

hatari langoni

kepteni wa kudumu wa houston alune mwasambiwite akiwajibika na mpira

mfungaji wa magoli yote mawili akiwa na mwenzie

kiatu mtu

watazamaji wakielekea uwanjani

refa

ngoma inogile

bongo united

houston

Timu ya soka ya Watanzania kutoka mjini Houston, Marekani, jana Jumamosi ilifanikiwa kuibana timu ya Watanzania wa mjini Washington DC na kutoka naye sare ya magoli 2-2.
Ilikuwa ni Washington DC iliyoanza kupata bao kunako dakika ya 5 kupitia kwa mshambuliaji wake Geus Tall. Kwenye dakika ya 35, Houston walisawazisha bao hilo baada ya Mudrika Majaliwa kupiga mpira wa adhabu ndogo.
Kipindi cha pili kilianza kwa Washington DC kushambulia kwa nguvu huku Houston wakihofia kukandamizwa na refa ambaye ni mkazi wa Washington DC. Hatimaye kwenye dakika ya 25, Elvis Mnyamuru alitingisha nyavu za wageni.
Haikuchukua muda, mshambuliaji Majawali alisawazisha tena kwenye dakika ya 30. Itabidi Washington wajilaumu kupita kiasi kwani mshambuliaji Majawali alikuwa mchezaji wao kutoka mjini Seattle ambaye walimtema wakati wa kupanga listi nusu saa kabla ya mechi.
Hii ilikuwa mechi ya marudiano baada ya ile ya mjini Houston, Novemba mwaka jana ambapo timu zilitoka sare ya magoli 3-3. Mchezo mwingine wa marudiano inatazamiwa kuchezwa Novemba 2009.
Aidha, Houston walilalamikia uwanja kuwa katikati ulikuwa na mgongo kama wa nyangumi na magoli kama midomo ya papa. Timu ya Houston hata hivyo imepiga hatua kubwa baada ya kuchapwa mabao 8-2 kama vidagaa katika mchezo wa kwanza uliofanyika mwaka juzi.
Baada ya mechi baadhi ya wakazi wa Washington DC walimlalamikia refa wao kwamba hakufanya jitihada za kuhakikisha timu yake inashinda nyumbani. Baada ya mchezo ilifuatia sherehe ya nyama za kuchoma ambayo ilisindikizwa na disko la nguvu katikati ya Jiji ilipofika usiku.
Mgeni wa adabu katika shughuli zote zilizofurika watu alikuwa nanihii.
Nikiripoti kutoka uwanja wa Greencasttle, ni mwandishi wako wa blogu ya jamii.