bondia faraji badili afariki dunia

Marehemu Faraji Badili akipimwa uzito kabla ya pambano lake la mwisho hivi karibuni
Marehemu Faraji (shoto) katika mpambano wake na Rashid Matumla mwaka juzi.

Marehemu Faraji (shoto) akicheza na Chaurembo Palasa mwaka jana

Tasnia ya masumbwi ya kulipwa nchini imepoteza mpiganaji wake hodari, Faraji Badili, aliyefariki leo asubuhi baada ya kuzirai akiwa katika mazoezi jana jioni jijini Dar.

Kwa mujibu wa Mkurugenzi wa BigRight Promotions, Ibrahim Kamwe, marehemu Faraji ambaye amefariki akiwa na umri wa miaka 26, alikuwa bondia hodari ambaye katika michezo yake toka akiwa kwenye ndondi za ridhaa alionesha ukomavu wa hali ya juu.

Marehemu Faraji alijiunga na ndondi za kulipwa Oktoba 28, 2000 na miaka mitatu baadaye akajipumzisha ili kuendelea na shule. Akarejea ulingoni mwaka 2007 na kufanya vyema katika mapambano yake ambapo katika gemu 7 alishinda 5, tatu kwa K.O, alitoa droo moja na kushindwa moja.

Kamwe amekishukuru chama cha Pugilistic Syndicate of Tanzania (PST) pamoja na mabondia wote kwa ushirikiano waliouonesha kwa marehemu ikiwa ni pamoja na kutoa michango ya hali na mali kufanikisha mazishi yake.

Marehemu Faraji Badili amezikwa jioni hii katika makaburi ya Kinondoni Muslim, Dar, katika mazishi yaliyohudhuriwa na umati mkubwa wa ndugu, jamaa, marafiki na wadau wa ndondi.

Mola ailaza pema roho ya marehemu Faraji Badili - Amina