mamia wamzika profesa haroub othman zenji

shughuli katika mji wa unguja zilisimama kwa muda jana wakati wa swala ya kumuombea marehemu profesa haroub othman katka msikiti wa Masjid Salama eneo la Msufini na baadaye msafara wa kwenda mazikoni shambani kwake Chuini. Hakika alikuwa mtu wa watu kwani mazishi yake yameelezwa yalikuwa ni makubwa kupata kutokea visiwani kwa muda mrefu
mitaa yote ilifurika waombolezaji wakati jeneza lilipokuwa likipitishwa
mistari ya waombolezaji waliojipanga barabarani kusubiri jeneza ilitanda kila mahali

viongozi wa serikali walikuwepo kumsomea marehemu

viongozi wa vyama vya upinzani walikuwepo kuomboleza

masjid salama ulifurika ndani

nafasi ilikuwa haba masjid salama kiasi waombolezaji wengine walilazimika kuswalia nje. picha zote na mdau othman mapara.

-----------------------------------------------------------

Mpiganaji mwenzangu Michuzi,

naomba kwa kupitia blog ya jamii, nitume salam zangu za rambirambi kwa familia, ndugu, jamaa, jumuiya ya wasomi 'Mlimani' na duniani kote na kwa Watanzania wenzangu kwa kuondokewa na mwanazuoni tunu yetu na niliyemheshimu sana ndugu yetu Profesa Haroub Othman.

Pigo hili limenikumbusha lile la hivi karibuni lililowakuta wasomi wa dunia na sisi 'wapiganaji' pale alipotutoka Dk. Tajudeen kwa ajali ya gari kule Nairobi.

Pia nichukue nafasi hii kutuma rambirambi zangu kwa familia, ndugu, jamaa na Watanzania wote kwa kuondokewa na rafiki yangu na mzee wetu Sheikh Suleiman Gorogosi ambaye kwaye mawaidha yake yaliyojaa hekima yalikuwa hayamithiliki na niliyaheshimu mno.

Wote, naomba Allah azihifadhi roho zao mahali pa amani daima--AMINA.

Mdau Saidi Msonda,

Sudan.