libeneke la kilimo kwanza moshi vijijini

wanakijiji cha masaeta wakiwa na wahandisi waliosaidia mchakato wa kukarabati mfereji

Wanakijiji Wapokea Wito wa

Kilimo kwanza kwa Vitendo

Wanakijiji cha Masaera , Katika Kata ya Kilema Kusini, Tarafa ya Vunjo Magharibi Wilaya ya Moshi Vijijini Mkoani Kilimanjaro, wamepokea wito wa Rais Jakaya Kikwete wa Kilimo Kwanza kwa kuanza na juhudi ya kukarabati Mfereji wao wa Umwagiliaji.


Mfereji huo wa asili ambao ulijengwa takriban miaka 75 iliyopita umechakaa na kuanza kuvuja na kumomonyoka ,jambo ambalo limepunguza kasi na wingi wa maji ya kumwagilia mashamba ya kijijini hapo.Wanakijiji wameanza mradi wa kuukarabati Mfereji huo kwa kushirikiana na shirika la Canada la Veahavta, ambao walituma mtaalamu Christine Sinclair kukaa kjijini Masaera kwa miezi mitatu akichambua hali halisi ya eneo na kuwasaidia wanakijiji kuandika andiko la mradi.


Andiko hilo limepokelelwa na Wahandisi wasio na Mipaka wa Marekani. Wahandisi na wasidizi wapatoao kumi, wanaotoka Chuo Kikuu cha Valparaiso , katika Jimbo la Indiana Marekani walifika nchini mwezi Mei na kushirikiana na wanakijiji na kupanga mikakati ya kuukarabati Mfereji huo katika mradi utakaodumu kwa miaka mitatu hadi minne.


Baada ya uchambuzi wa mwanzo wa Kihandisi, wataalamu wa Marekani walitoa mapendekezo ya mwanzo ambayo yanahusu usafishaji wa Mfereji, jambo ambalo kwa sasa wananchi wanalitekeleza.Wanakijiji wameamua kuchangisha fedha za kununua zana za kupasua mawe makubwa mferejini na kutumia nguvu kazi ili kazi hiyo iwe imekamilika mwishoni mwa mwezi chini ya kauli mbiu, KILIMO CHA UMWAGILIAJI KWANZA.


Picha na Taarifa kwa hisani ya
Canute Temu.
Development Consultant, Translator, Editor, Documentalist;
Residence: Vanilla Farm , Masaera Village,
P O Box 270
HIMO,
KILIMANJARO,
Tanzania.
+255787258877 and +255754282101
Do good and do it well.
Fanya mema na yafanye vizuri.