pspf yamwaga misaada hospitali za ocean road na temeke

Sio tutoe tuu msaada wa mashuka, bali tuwatandikie kabisa’ ndivyo wanavyoonekana kufanya maofisa wa Mfuko wa Pensheni wa Watumishi wa Umma, PSPF wakiongozwa na Mkurugenzi Mkuu wa Mfuko huo, Bibi Hawa Mmanga (wa kwanza Kulia), Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE, Godfrey Ngonyani WA PSPF na Muuguzi Mkuu wa Taasisi ya Saratani ya Ocean Rd, Bi. Mary Haule (Kulia) akisubiri atandikiwe. PSPF, imekabidhi taasisi hiyo mashuka 250 na foronya zake yenye thamani ya Shilingi Milioni 4 kama sehemu ya huduma za PSPF kwa jamii ya Watanzania, kufuatia mfuko huo kupata mafanikio makubwa tangu kuanzishwa kwake miaka 11 iliyopita. Hii shuka tukaitandika kitanda kilee’ ndivyo asemavyo Mkurugenzi Mkuu wa Mfuko wa Pensheni wa Watumishi wa Umma, PSPF, Bibi Hawa Mmanga (katikati) akiwa ameshika moja ya mashuka 300 ambayo PSPF imekabidhi kwa Taasisi ya Saratani ya Ocean Rd, Kulia ni Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE. Mashuka hayo 250 na foronya zake yenye thamani ya Shilingi Milioni 4 ni sehemu ya huduma za PSPF kwa jamii ya Watanzania, kufuatia mfuko huo kupata mafanikio makubwa tangu kuanzishwa kwake miaka 11 iliyopita.
Mkurugenzi Mkuu wa Mfuko wa Mfuko wa Pensheni wa Watumishi wa Umma, PSPF, Bibi Hawa Mmanga (Kushoto, akipongezwa na Muuguzi Mkuu wa Taasisi ya Saratani ya Ocean Rd, Bi. Mary Haule (Kulia), mara baada ya kuikabidhi taasisi hiyo mashuka 250 na foronya zake yenye thamani ya Shilingi Milioni 4 kama sehemu ya huduma za PSPF kwa jamii ya Watanzania, kufuatia mfuko huo kupata mafanikio makubwa tangu kuanzishwa kwake miaka 11 iliyopita. Katikati ni Katibu wa Afya, Bi. Beatrice Erasto na Mkuu wa Manunuzi na Ugavi, Jerome Mponda.

Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE, akikabidhi msaada wa mashuka 300 na foronya zake kwa Mkurugenzi wa Hospitali ya Temeke, Dr. Aisha Mahita kwenye hafla fupi iliyofanyika juzi hospitalini hapo.

Mkurugenzi Mkuu wa Mfuko wa Mfuko wa Pensheni wa Watumishi wa Umma, PSPF, Bibi Hawa Mmanga (Kulia), akizungumza mara baada ya kuikabidhi mashuka 300 na foronya zake yenye thamani ya Shilingi Milioni 5 kwa Hospitali ya Temeke. Katikati ni Mkurugenzi wa Hospitali ya Temeke, Dr. Aisha Mahita, na Kushoto ni Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE .

Mkurugenzi wa Hospitali ya Temeke, Dr. Aisha Mahita, (Katikati)akizungumza mara baada ya hospitali hiyo kupokea mashuka 300 na foronya zake yenye thamani ya Shilingi Milioni 5 kwa Hospitali ya Temeke. Katikati ni Mkurugenzi wa Hospitali ya Temeke, Dr. Aisha Mahita, na Kulia ni Mkurugenzi Mkuu wa Mfuko wa Mfuko wa Pensheni wa Watumishi wa Umma, PSPF, Bibi Hawa Mmanga na Kushoto ni Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE. Msaada huo ni sehemu ya huduma za PSPF kwa jamii ya Watanzania, kufuatia mfuko huo kupata mafanikio makubwa tangu kuanzishwa kwake miaka 11 iliyopita.

PSPF KUTOA MIKOPO YA NYUMBA KWA WANACHAMA

Habari na Picha na Pashal Mayala

Mfuko wa Pensheni wa Mashirika ya Umma, PSPF, unaendeshwa kwa mafanikio makubwa, yanayopelekea kuzidi kutoa mafao bora kwa wanachama wake, ikiwemo mikopo ya kujenga au kununua nyumba kwa wastaafu waliobakisha miaka 5 kabla ya kustaafu na utoaji wa huduma mbalimbali kwa jamii ya Watanzania.

Hayo yamebainishwa na Mkurugenzi Mkuu wa Mfuko huo, Bibi Hawa Mmanga, mashuka 550 na foronya zake yenye thamani ya Shilingi Milioni 8 kwa Hospitali za Temeke na Taasisi ya Saratani ya Ocean Rd zote za jijini Dar es Salaan, kama sehemu ya huduma za PSPF kwa jamii ya Watanzania, kufuatia mfuko huo kupata mafanikio makubwa tangu kuanzishwa kwake miaka 11 iliyopita.

Bibi Mmanga amesema, mafanikio hayo makubwa ya PSPF, yanatokana na juhudi zinazofanywa na uongozi na wafanyakazi kwa ujumla, ambapo mfuko huo unapata faida kubwa katika vitegauchumi vyake mbalimbali, vinavyo zalisha faida kubwa hivyo kuboresha mafao ya wanachama wake na ziada kutumika kwenye kutoa huduma za jamii vikiwemo vifaa na vifaa tiba kwa mahospitali.

Naye Mjumbe wa Baraza la Wadhamini la PSPF , Bw. Ali Kiwenge, ambaye pia ni Katibu Mkuu wa TUGHE, amesema, zaidi ya kutoa mafao ya uzeeni, mfuko huo wa PSPF unatoa mafao ya ulemavu, mafao ya warithi, mafao ya wategemezi na msaada wa mazishi. Sambamba na mafao hayo , mfuko huo pia unatoa mikopo ya ujenzi au ununuzi wa nyumba kwa wanachama wake waliobakiza miaka 5 kabla ya kustaafu.

Naye Mkurugenzi wa Hospitali ya Temeke, Dr. Aisha Mahita, aliushukuru mfuko huo kwa msaada wake wa shuka hizo 300 ambao amesema utasaidia sana kupunguza nakisi ya mahitaji halisi. Hata hivyo, alisema hospitali hiyo bado inakabiliwa na uhaba mkubwa wa madawa, vitanda, majengo na vifaa tiba kufuatia ongezeko kubwa la wagonjwa wanaohitaji kuhudumiwa na hospitali hiyo, hivyo ametoa wito kwa taasisi nyingine kuiga mfano wa PSPF.

Muuguzi Mkuu wa Taasisi ya Saratani ya Ocean Rd, Bi. Mary Haule, amesema hospitali hiyo ambayo ndio pekee ya rufaa za ugonjwa wa saratani hapa nchini, inakabiliwa na ongezeko kubwa la wagonjwa, hali inayopelekea kuongezeka kwa mahitaji ya miundo mbinu, wafanyakazi, madawa na vifaa tiba ili kukidhi mahitaji halisi.

Mfuko huo wa PSPF ulioanzishwa mwaka 1999, unaendelea na kampeni yake maalum kuzisaidia hospitali mbalimbali nchi nzima kama sehemu ya kurudisha kwa jamii, mafanikio ya miaka 10 tangu kuwepo kwake. Kesho PSPF itatoa msaada hospitali ya Temeke na keshokutwa, Hospitali ya Ilala.