YALIYOJIRI MLIMANI WIKI HII

Ankal Issa Michuzi,
Wiki hii nilipata fursa ya kupita huku na kule ndani ya kampasi ya pale juu Mlimani, Chuo Kikuu cha Dar es Salaam (CKD a.ka UDSM). Kwa kweli nimeamini kuwa hiki ni chuo kikuu na kikongwe ndani ya bongo.

Taswira ya kwanza kukutana nayo ni ile hali ya hewa tulivu na mandhari ya kijani kufuatia mvua zinazonyesha hivi sasa inapendeza kweli. Vijana wanafanya makamuzi siyo kama enzi zile. Jengo la Nkrumah ni maarufu kwa wengi waliopata kupita mahala hapa.

Ukongwe wa Chuo hiki unathibitika kutokana na nondo nilizozikuta humu ndani kwa mfano Gazeti hili la Tanganyika Standard la Mwaka 1953 limo ndani ya nyumba. Ankal hapo hujazaliwa bado

Ndani ya Maktaba kuu ya Chuo Kikuu cha Dar es Salaam, wadau wanafatilia kinoma kile kinachoendelea kupitia magazeti. Waandishi hapa wana kazi ya ziada kutoa habari za kina zilizofanyiwa utafiti wa kutosha na zinazo zingatia maadili ya uandishi, hiyo ni changamoto
kwenu.

Makamuzi ya vijana hawa yanakwenda na wakati, tekinolojia ya kisasa inatumika kwa sana tu.

Kuna msemo wa kizungu usemao 'charity begins at home', desturi hii nimeikuta pale Shule ya Biashara ya Chuo Kikuu cha Dar es Salaam ya kila mwaka kuwa na siku moja ya kutoa msaada kwa vituo vy akulelea watoto yatima na walio katika mazingira magumu, safari hii wamekusanya michango ya bidhaa mbalimbali vikiwamo vyakula, sabuni na mafuta ya kupikia kwa ajili ya msaada kwa wakinamama na watoto waliolazwa katika Taasisi ya Saratani, Ocean Road, jijini Dar es Salaam. Pichani ni Mkuu wa Shule ya Biashara Dr. Marcelina Chijoriga akiongoza
wafanyakazi wengine wa shule hiyo kukabidhi msaada huo kwa baadhi ya wagonjwa wa saratani waliolazwa katika taasisi hiyo.

Shughuli ya kutoa msaada iliendana na maadhimisho ya siku ya familia ambapo wafanyakazi na familia zao hushiriki michezo mbalimbali na kupata burudani kwa pamoja na hatimaye kupongezana kwa zawadi. Hafla hii ya siku ya familia ya Shule ya Biashara ya Chuo Kikuu cha Dar es Salaam ilifanyika katika hoteli ya Kunduchi, Dar es Salaam.

Picha na habari na mdau wa mlimani, Ramadhani Kitwana