mdau vekesheni london

Mkuu wa wilaya ya nanihii na wanajamii,

Kweli nilijisikia nipo nyumbani jumamosi ya 20 Jan 2010 nilipokuwa vekesheni mitaa ya kandokando ya Mto Thame karibu na Jicho la London mbele ya NATIONAL GALLERY pale nilipokutana na kibanda cha mduara kilichotengenezwa kwa kupamba picha za watu weusi, wakina mama na watoto.

Nilivutiwa kwa kuona wanafanana na waafrika nilivyosogelea nilizidi kuchanganyikiwa nilivyosikia wimbo ambao sikujua unatokea wapi kwani huoni spika wala redio kwani sauti inatoka ndani kwa ndani kwanye kuta za mduara huu, niulize basi ni nyimbo gani ilikuwa inaimbwa?

kwa kweli ilikuwa ni nyimbo inayohusu mateso waliyoyapata na wanayoyapata wakongo wakati wa vita na nyimbo hii ilikuwa inaimbwa kwa Kiswahili, niliganda hapo kwa zaidi ya nusu saa na kujisifia mbele ya wengine waliofika hapo kuwa mwimbo naufahamu na ni lugha yangu ya Kiswahili. Nadhani unaweza kupata picha upo nje ya nchi yako nchi ambayo haiongei Kiswahili halafu unakutana na nyimbo au makala au watu wanaongea kiswahili.

Wadau wanaweza kutembelea pale sina uhakika kile kibanda kitakuwepo kwa muda gani, kimewekwa na Oxfam. Kila picha inamaelezo jinsi ambavyo muhusika alipata kasheshe wakati wa kukimbia vita inasikitisha kwa kweli.

Benedict Kimbache
Skype Name: Kimbache1