msaada kwenye tuta

Pole ankal na shughuli mzito ya kulisukuma

gurudumu la maendeleo la globu yetu ya jamii.

Sasa bana mimi nilikuwa naomba msaada kwenye zebampu. Kuna nyimbo 5 nimezitunga ambazo ziko kwenye manjonjo ya bongofleva. Sasa bana nimejaribu kuwasiliana na baadhi ya masupastaa wa bongofleva nchini, lakini naona wanadengua mno.

Wengine hata kunisikiliza hawataki. Nimejaribu kuwauliza kama wana meneja ili nikaonane nao, lakini ndo hivyo tena midenguo miiingi. Kuna mmoja nilijaribu kumsihi tukutane nae ili angalau aione kazi tu. Lakini akanijibu kwa maringo hivi, “ahsante kwa kushoo lavu, lakini hapana sina muda huo.” Nikabaki nacheka tu!

Kusema ukweli, wala siwalaumu. Kwa sababu kwanza hata hawanijui, na wala hawajahi kuona kazi zangu. Kwa hiyo, pengine wanafikiri mimi ni chokoraa au mwandishi wa magazeti ya udaku nafuta habari ya kuuza gazeti.

Au pengine ni kwa sababu wasanii wengi hawa bado hawajajua kwamba kuna watu wanaitwa “song writers” ambao kazi yao ni kuandika nyimbo na kuwapatia/kuwauzia waimbaji.

Sasa basi, mimi nataka kuzigawa hizi nyimbo bure kabisa. Tena naweza kuwatafutia hata beats zake. Sharti pekee ambalo ningependa kuwapatia ni kuwa waitambue kazi yangu na waweke wazi kuwa hizo nyimbo nimetunga mimi. Yaani maana yake ni kuwa wasithubutu kunitupa kapuni, na kujifanya kama wao ndio wametunga hizo nyimbo.


Majina ya nyimbo zenyewe ni kama yafuatavyo:
*Bongofleva 4 life – nimeutunga kwa ajili ya msanii wa kiume. Na huko katika manjonjo ya hip hop.
*U tayari kwa pendo langu – msanii wa kike. uko katika manjonjo ya soul.
*Njoo kwangu – msanii wa kike. uko katika manjonjo ya R&B.
*Forbidden love - uko kwa kiingereza, na unafaa msanii wa kike. Huko katika manjonjo ya soul.
*Jogoo la shamba – msanii wa kiume. uko katika manjonjo ya hip hop.


Ningeweka dondoo ya ryrics,

lakini naogopa kumwaga mchele kwenye kuku wengi.

Sasa kama kuna wasanii wowote ambao wangependa kukutana nami ili waone kazi, basi wasisite kuwasiliana nami kupitia 0655 712751

Mdau