VODACOM FOUNDATION YAANZA AWAMU YA TATU YA KUTOA MISAADA YA KOMPYUTA MASHULENI

Meneja wa Vodacom Foundation Yessaya Mwakifulefule akimwelekeza Abdalah Juma namna ya kutumia kompyuta ambae ni mwanafunzi wa sekondari ya Mnolela iliyopo lindi vijijini ambapo Vodcom Foundation ilitoa msaada wa kompyuta 20 zenye thamani ya shilingi milioni 15.

Mkurugenzi wa Vodacom Foundation Mwamvita Makamba akiwaelekeza baadhi ya wanafunzi wa Mnolela iliyopo lindi vijijini namna ya kutumia kompyuta ambapo Vodacom Foundation ilitoa msaada wa kompyuta 20 zenye thamani ya shilingi milioni 15 katika shule hiyo na ya Mtama zote za lindi vijijini.
Mkuu wa mkoa wa Lindi Said Magalula(katikati)akimkabidhi moja kati ya kompyuta 20 zenye thamani ya shilingi milioni 15 Mwalimu Mkuu wa shule ya Sekondari Mnolela Bahia Abbakari(kushoto) mara baada ya kukabidhiwa rasmi na Mkurugenzi wa Vodacom Foundation Mwamvita Makamba anaeshuhudia.
Baadhi ya wanafunzi wa sekondari ya Mnolela iliyopo lindi vijijini wakiangalia namna ya kutumia kompyuta mara baada ya kukabidhiwa msaada wa kopyuta 20 zenye thamani ya shilingi milioni 20 kutoka Vodacom Foundation. Mkurugenzi wa Vodacom Foundation Mwamvita Makamba akifurahia jambo na baadhi ya wanafunzi wa Mnolela iliyopo lindi vijijini ambapo Vodacom Foundation ilitoa msaada wa kompyuta 20 zenye thamani ya shilingi milioni 15.

Kampuni ya simu za mkononi ya Vodacom Tanzania kupitia Mfuko wake wa kusaidia jamii wa Vodacom Foundation, umetoa msaada wa Kompyuta 20 zenye thamani ya shilingi Milioni 15 kwa shule mbili za Sekondari Mtama na Mnolela zilizoko Lindi Vijijini ili kuboresha sekta ya Elimu katika shule hizo.

Akikabidhi msaada huo kwa Mkuu wa Wilaya ya Lindi Saidi Magalula, Mkurugenzi wa Mfuko huo Mwamvita Makamba alisema kwamba msaada huo ni mwendelezo wa awamu ya tatu ya Mradi wa Ugawahi kompyuta kwa shule za sekondari za vijijini. Katila awamu ya kwanza na ya pili jumla ya shule 30 kutoka mikoa tofauti 15 zilifaidika katika mradi huu.

Alisema huu ni mwanzo tu kwani Vodacom Foundation itaendelea kutoa misaada ya kompyuta katika shule za mikoa mbalimbali hapa nchini ikiwa unalenga kutoa wimbi la uduni wa kompyuta na kuinua elimu na kuisaidia serikali kama sekta binafsi siyo kuiachia serikali pekee lazima tuwe pamoja kuendeleza misingi iliyobora ya elimu.

Naye Mkuu wa Wilaya, akipokea msaada huo aliishukuru kampuni ya Vodacom kupitia mfuko wake huo na kusema sera ya ushirikishwaji wa sekta binafsi katika kutoa misaada mbalimbali ya kuiokoa jamii kama Vodacom ni mfano wa kuigwa na mashirika mbalimbali ili waweze kuisaidia serikali na wananchi wanaopatwa na upungufu wa vitu muhimu katika jamii.

“Serikali imeweka sera nzuri za uwekezaji ili kuhakikisha kwamba uwekezaji una kua na wawekezaji pia wanapata fursa ya kuchangia maendeleo ya sekta ya kijamii nchini’

Alisema hivi sasa bila teknolojia ya kisasa amna maendeleo na alichukua frusa hiyo ya kuwaasa wanafunzi wazitunze kompyuta hizo na kuzitumia vizuri kwani wameunganishwa na ulimwengu wa teknolojia ya kisasa na kuwasihi wasitembelee katika tovuti zenye mambo yasiyofaa na ambayo hayana manufaa kwao.