NELLY KAMWELU NDIE MISS UNIVERSE 2011

Miss Universe 2011,Nelly Kamwelu akiwani mwenye furaha mara baada ya kushinda usiku huu katika mashindano yaliyofanyika katika hoteli ya Golden Tulip,Masaki jijini Dar.

Miss Universe 2011,Nelly Kamwelu (kati) akiwa na mshindi wa pili,Neema Kilango (kulia) na Mshindi wa tatu,Yaceba Asenga mara baada ya kumalizika kwa mashindano ya Miss Universe 2011 yalifofanyika katika hoteli ya Golden Tulip,Masaki jijini Dar usiku huu.

Mkuu wa Udhamini wa Vodacom Tanzania,George Rwehumbiza (kulia) na Meneja wa Mambo ya Nje wa Vodacom,Nector Foya wakiwa katika picha ya pamoja na Miss Universe usiku huu.

Miss Universe 2010 aliemaliza muda wake usiku wa leo,Hellen Dausen akimvisha Crown Miss Universe 2011,Nelly Kamwelu ikiwa ni ishara na kukabidhima rasmi majukumu hayo ya ulimbwende.

Top 5 (anaekatika katikati yao ni MC Abby)

Mratibu wa shindano la Miss Universe,Maria Sarungi akitangaza washindi katika kinyang'anyiro hicho.

Mkurugenzi wa Vodacom Foundation ambaye pia alikuwa ni mmoja wa majaji wa mashindano hayo,Mwamvita Makamba akiuliza swali kwa mmoja wa washiriki wa Miss Universe wakati wa kipindi cha maswali na majibu.

Washindi wakiwa katika picha ya pamoja na Majaji.

Kwa kuona picha nyingi zaidi,

BOFYA HAPA

 Mwandishi Wetu
 Mlimbwende  Nelly Kamwelu ameibuka mshindi wa mashindano  ya Miss Universe Tanzania baada ya kuwashinda wenzake 18, Katika mashindano yaliyofanyika kwenye hotel ya Golden  Tulip jijini Dar es salaam usiku wa kuamkia leo.

Haikuwa kazi rahisi kwa mrembo huyo kuibuka na taji  hilo kwani  kulikuwa  na ushindani mkubwa.  Kutokana na ushindi huyo, Nelly ambaye alishiriki Miss  Tanzania mwaka 2008,  na kushindwa kufanya vyema, ataiwakilisha Tanzania katika mashindano ya kimataifa  yaliyopangwa kufanyika nchini Brazil Septemba.

 Hali ilikuwa tofauti kwa Nelly baada ya Chifu Jaji Maria  Sarungi ambaye pia ni Mkurugenzi wa Compass Communications  kumtangaza mshindi. Hii inatokana na ushindani ulipo kati yake na Neema Kilango  na Yacoba Assenga ambao walikuwa tishio tokea kuanza kwa  mashindano hayo.

 Nelly ambaye alijikita katika urembo mwaka 2008 na kushika  nafasi ya pili katika shindano Miss Ilala na Miss DarCity  alisema kuwa anashukuru kwa kuwaa taji hilo kwani pamoja na  kushinda amekiri kuwa ushindani ulikuwa mkali.

 “Namshukuru Mungu kuibuka ushindi katika mashindano haya, ndoto yangu imetimia, naahidi kufanya vyema katika  mashindano ya kimataifa,” alisema Nelly.

 Baada ya ushindi huo, Nelly alijinyakulia kitita cha  shilingi Milioni 3 na kupata Schoralship ya kwenda kusoma  nchini Marekani katika chuo cha New York Film Academy ambapo  atachukua kozi ya Mawasiliano ya Umma “Mass
 Communications” na utengezaji wa filamu.

 Mbali na zawadi hizo pia alijinyakulia simu ya Blackberry  kutoka mtandao wa  Jamii Forum, tiketi tatu za ndege  kwa ajili ya safari za kufanya kazi za jamii kutoka   Precision Air, vipodozi vyenye thamani ya shilingi 350,000  kutoka Shear Illusion na mafunzo ya mwaka mmoja  yatakayotolewa  na Mercy G Beauty ambao wote ni  wadhamini.

 Neema Kilango alishinda nafasi ya pili na kupata sh.  Milioni 1 na kupata nafasi ya kuiwakilisha Tanzania katika  mashindano ya Miss Earth nchini Thailand.  Neema pia alishinda taji la Miss Congeniality na kupata ofa  ya kusoma masomo ya ujasiliamali yenye thamani ya dola 1,500  za kimarekani.

 Yacoba Assenga aliibuka mshindi wa tatu na kuzawadiwa sh. 500,000 na kushinda nafasi ya kuiwakilisha Tanzania katika  mashindano ya Miss International.  Vile vile Linda Deusaliibuka na taji la Miss  Entrepreneurial Mind set  na kupata ofa ya kusoma maomo  ya Ujasiliamali yenye thamani ya dola 1,500 za kimarekani.

 Mashindano ya Miss Universe yalifanyika kwa mara ya kwanza  mwaka 2007 ambapo Flaviana Matata aliibuka mshindi sambamba  na kufanya vyema katika mashindano ya kimataifa  yaliyofanyika nchini Mexico.

 Flaviana ambaye kwa sasa anaishi nchini Marekani, aliingia  hatua ya 10 bora (nusu fainali) na baadaye Amanda Ole Sululu  aliiwakilisha Tanzania mwaka uliofuata na kufuatiwa na  Illuminata James na mwaka jana Hellen Dausen.
 

Mbali ya Mwananchi Communications Limited (MCL), wadhamini  wengine wa mashindano ya mwaka huu ni Vodacom Tanzania,  Golden Tulip, Chanel Ten, Magic FM, The Citizen, Precision  Air, Coca Cola, Dar Life,  Jamii Forums, MH Gallery,  Dodoma Hotel, Triple A,  Vayle Springs, New York Film  Academy na Shear Illusion.