pinda azindua bonge la tawi la kisasa la NMB leo

Bank House kama inavyoonekana leo baada ya kupigwa sopu-sopu na kuwa jengo la benki la kisasa zaidi kuliko yote nchini

Wadau wa NMB na wageni waalikwa katika hafla hiyo leo

Wadau wa NMB na wageni waalikwa

Lady Jay Dee na Machozi Band wakitumbuiza kwenye hafla hiyo leo.

Waziri Mkuu Mh. Mizengo Pinda leo amezindua tawi la kisasa na kubwa kuliko yote nchini la Benki ya NMB jijini Dar es Salaam na kuzitaka benki zote nchini kubuni mikakati ya kutoa huduma bora na kupunguza foleni kwenye matawi.

Alisema kuwa umefika muda sasa mteja akae kwenye tawi la benki kwa dakika kumi tu au chini ya hapo na aweze kupata huduma zote.

Katika hatua nyingine, tatizo sugu la kuchelewesha kwa mishahara ya wafanyakazi wa serikali sasa liko mbioni kuwa historia kufuatia mikakati inayofanywa na Wizara ya Fedha na Uchumi na Benki ya NMB kuhakikisha kuwa wafanyakazi wote wa serikali watalipwa mishahara yao kila ifikapo tarehe 23 ya kila mwezi.

Hayo yalibainika wakati Waziri Mkuu alipokuwa akifungua tawi la NMB Bank House jijini Dar es Salaam.

Tawi hilo ni tawi kubwa kuliko matawi yote ya NMB nchini na linatarajiwa kuwa ni kioo cha benki hiyo kwa kutoa huduma mahususi (premium banking) kwa ajili ya serikali na wateja wakubwa kwenye ofisi zilizo kwenye gorofa zisizopungua tatu.

Tawi hilo pia litakuwa na baadhi ya huduma za

ziada ambazo matawi mengine hayajaanza kuzitoa.