Mama Julliana Njohole (76) na Mzee William Lyapembile (80) wameremeta upya

Siku ya kumeremeta kwa Juliana Njohole na William Lyapembile miaka 52 iliyopita

 Maharusi na wapambe wao katika sherehe yao majuzi

Mwaka 1959, October 8 wazazi wetu walifunga ndoa katika kijiji cha Mngeta, Kilombero - Morogoro kama inavyoonekana kwenye hiyo picha ya black and white. Mwaka huu wametimiza miaka 52 ya ndoa, misa ya shukrani na sherehe za kuwapongeza zilifanyika kijijini Mngeta, kwenye kanisa lile lile walilofunga ndoa miaka 52 iliyopita.
 
Liliowavutia watu wengi ni wale flower girls watano walikuwa wakitupa maua na kushikilia shela ya bibi harusi miaka 52 iliyopita, Kwa bahati wote wako hai na wakaifanya kazi yao ile ile walioifanya miaka 52 iliyopita. Hao wakina mama waliowazunguka maharusi, ndio vibinti vilivyoshika shela kwenye hiyo picha ya black and white.   Mwaka 1952 mabinti hao walikuwa na miaka 8 tu. Leo hii wote ni wastaafu lakini walihakikisha wanawasimamia tena maharusi wao.
 
Mama anaitwa Julliana Njohole ametimiza miaka 76 tarehe 4 October mwaka huu, na baba William Lyapembile atatimiza miaka 80 tarehe 31 December mwaka huu. 

Matukio kwenye picha yanajieleza vizuri; ni kanisani wakati wanarudia kiapo cha ndoa, ndani ya kanisa wakiwa na wamama ambao miaka 52 iliyopita walikuwa watoto wasimamizi, tukio la kukata Keki ambapo  Julliana akimlisha kekimumewe. Pia kuna ya wajukuu wakiwapa mkono baada ya kutoa nasaha kwa bibi na babu, nje ya kanisa lile lile walilofunga ndoa yao miaka 52 iliyopita.
 
Wasimamizi (Matron & Best man)  ni mjukuu wao wa kwanza kuolewa (Modesta Machengo) akiwa na Mumewe Richard.
 
Tunawapa pongezi nyingi wazazi wetu kwa kuwa mfano wa ndoa ya kuigwa. Mama alipoulizwa nini siri ya ndoa yao kudumu miaka mingi, alisema ni uvumilivu na kusamehena, na silaha kubwa zaidi ni sala.

Tunawapenda sana wazazi wetu, tunawaombea kwa Mwenyezi Mungu aendelee kuwapa afya njema ya mwili na roho.



Kwa mapicha zaidi ya sherehe hii BOFYA HAPA