KATIBU WA CPA KANDA YA AFRIKA AKUTANA NA WADAU WAKE LONDON,UINGEREZA

Katibu wa Bunge la Tanzania, Dr. Thomas Kashililah (kushoto) ambae pia ni Katibu wa Afrika wa Chama cha Wabunge wa Jumuiya ya Madola akimfafanulia jambo Katibu Mkuu wa chama hicho duniani, Dr. William Shija wakati walipokutana jijini London jana, Dr. Kashililah na ujumbe wake wako London kuhudhuria Mkutano wa Kamati ya Utendaji ya Dunia ya Chama hicho. Kulia ni Katibu Msaidizi wa Afrika wa chama hicho, Nd. Demetrius Mgalami ambae pia ni Mkuu wa Itifaki wa Ofisi ya Bunge.

Mwenyekiti wa CPA barani Afrika ambae pia ni Spika wa Bunge la Majimbo nchini Afrika Kusini,Mheshimiwa Mninwa Mahlangu (wa kwanza kushoto) akizungumza na Sekretarieti ya chama hicho barani Afrika inayoongozwa na Dr. Thomas Kashililah walipokutana jijini London. Wengine pichani ni wajumbe wa Sekretarieti hiyo, Nd. Demetrius Mgalami(wa kwanza kulia) na Nd. Emmanuel Mpanda (wa pili kushoto) ambae pia ni Mkurugenzi Msaidizi katika Ofisi ya Katibu wa Bunge

Katibu wa CPA Barani Afrika na Katibu wa Bunge la Tanzania, Dr. Thomas Kashililah akizungumza na wajumbe kutoka Afrika wanaohudhuria Mkutano wa Kamati ya Utendaji ya Chama cha Wabunge wa Jumuiya ya Madola unaofanyika London, kutoka kushoto ni Mhe. Mary Boya kutoka Cameroon na Mhe. Elijah Okupa kutoka Uganda. Tanzania ndio makao makuu ya Chama cha Wabunge wa Madola ambapo Katibu wa Bunge la nchi yenye makao makuu ndio kikatiba huwa Katibu wa Bara husika. Picha zote na Saidi Yakubu wa Ofisi ya Bunge