balozi maajar atembelea wisconsin, Milwaukee yatangaza siku ya Tanzania

 Balozi Maajar akimsikiliza mwalimu wa Chuo cha Milwaukee Area Technical College (MATC)  akionyesha mitambo ya kujifunzia na kuelezea jinsi wanafunzi wa chuo hicho wanavyotumia teknolojia kujifunza kwa vitendo mitaala ya ufundi wa nishati ya umeme

 Balozi Maajar akiwa kwenye studio ya radio ya WUWM (Milwaukee Public Radio) akizungumzia madhumuni ya ziara yake Jimboni Wisconsin kwenye kipindi mashuhuri cha Lake Effect kinachorushwa na mtangazaji Mitch Teich jijini Milwaukee. Listen to full Lake Effect Radio Interview at

http://www.wuwm.com/programs/lake_effect/view_le.php?articleid=1483

 Balozi wa Tanzania nchini marekani Mhe. Mwanaidi Sinare Maajar akipewa zawadi na Makamu wa Rais wa kampuni ya A. O. Smith Corporation Bw. Steve Rettler mara baada ya kuzungumza na wawakilishi wa makampuni takriban thelathini kutoka miji mbalimbali ya Wisconsin wenye nia ya kufanya biashara na Tanzania  

 Balozi Maajar (katikati) kwenye picha ya pamoja uongozi wa Chuo cha ufundi cha Milwaukee Area Technical College baada ya kumaliza mazungumzo ya awali kuhusu kuanzisha ushirikiano kati ya chuo hicho na mojawapo ya chuo cha ufundi cha Tanzania.  Kushoto kwa balozi ni muasisi wa ushirikiano wa miji ya Milwaukee na Morogoro, Ryan Skyfe na kulia kwa balozi ni Makamu wa Rais wa Chuo hicho Bibi Vicki Martin akifuatiwa na Rais wa Chuo hicho (mwenye tai) Bw. Michael Burke tarehe 20.02.2012.

Balozi wa Tanzania nchini Marekani Mhe. Mwanaidi Maajar akiwa na Meya wa Mji wa Milwaukee Mhe. Tom Barrett wakionyesha bango lenye hati ya kuitambua siku ya tarehe 20.02.2012 kama siku ya Tanzania mjini Milwaukee.

Balozi Maajar akiwa kwenye picha ya pamoja na baadhi ya Watazania waishio kwenye mji wa Milwaukee, Jimbo la Wisconsin waliofika hotelini kwake kumpokea mara baada ya kuwasili mjini hapo kwa ziara ya kikazi .