updates za ajali ya ndege ya ATC huko kigoma leo asubuhi

Abiria 35 na wafanyakazi wane wa ndege ya shirika la Ndege Tanzania (ATC) wamenusurika katika ajali ya ndege (pichani juu) iliyotokea asubuhi ya leo majira ya saa 4.15 katika uwanja wa ndege wa Kigoma.

Kaimu Kamanda wa Polisi mkoani Kigoma SSP Kihenya Kihenya  amesema aina ya ndege ni  Dash  8 Q 300  air tannia flight No. TC 119 iliyokuwa na abiria thelathinin na tano na staff wanne

Alisema ndege hiyo ilikuwa inatoka Kigoma kwenda Dar es salaam kupitia Tabora kabla ya kupata ajali baada ya kuteleza  na kuangukia ubavu wa kulia kutokana na  tope jingi lililokuwepo katika njia ya kurukia ya uwanja huo.

Abiria na wafanyakazi wote waliokuwamo waliweza kutoka katika ndege salama muda mchache baada ya jaribio lake la kupaa angani liliposhindikana.

Baadhi ya abiria waliohojiwa baada ya ajali wamewasifia sana rubani Emmanuel Mshana na msaidizi wake Mbwali Masesa kwa kujitahidi kuidhibiti kiuweledi ndege hiyo na kuokoa maisha ya watu.

Uchunguzi wa awali unaonesha bawa la kulia pamoja na injini ya propela ya upande huo vimeharibika vibaya.

Mmoja wa abiria walionusurika akiongea na wanahabari

Kaimu Kamnda wa Polisi mkoa wa Kigoma  SSP Kihenya Kihenya (kulia) akiwa eneo la tukiio na maafisa wengine.
Picha na Pardon Mbwate wa Jeshi la Polisi