NEWS ALERT: MOTO MKUBWA WATEKETEZA MADUKA MJINI IRINGA USIKU HUU

Wananchi wakishuhudia moto ukiteketeza maduka eneo la Uhindindi kata ya Miyomboni usiku huu

Mali zilizookolewa eneo la tukio ambalo pia ni makazi ya watu

Mali mbali mbali zikiwa zimeteketea kwa moto

Simu zikiwa zimeokolewa katika moja kati ya maduka ya simu Uhindini ambayo yameteketea kwa moto

Wananchi wa Iringa mjini wakishuhudia moto mkubwa ukiteketeza maduka eneo la Uhindini usiku huu

Askari polisi wakiweka ulinzi eneo la tukio.

Na Francis Godwin, Iringa

Moto mkubwa ambao chanzo chake bado kufahamika umeteketeza zaidi ya maduka 10 eneo la Miyomboni katika Manispaa ya Iringa usiku huu.

Moto huo ambao chanzo chake bado kufahamika umezuka majira ya saa 2 usiku huu katika eneo hilo la Uhindini kata ya Miyomboni mjini Iringa.

Baadhi ya wafanyabiashara waliokumbwa na tukio hilo la moto na kuteketeza maduka yao wamesema kuwa moto huo umeanza katika chumba kimoja wapo cha duka na kuwa wanahisi ni hitilafu ya umeme.

Hata hivyo wamesema kuwa baada ya moto huo kuanza kuwaka walipata ushirikiano mkubwa kutoka kwa kikosi cha zima moto Manispaa ya Iringa ambao walifika ila waliishiwa maji kabla ya kuuzima moto huo.

Pia walisema wakati gari la zima moto limekwenda kuchota maji mengine mto Ruaha, vibaka walitumia nafasi hiyo kupora mali mbali mbali na kujikuta wakiishia katika mikono ya polisi ambao walitanda eneo hilo.

Diwani wa kata ya Miyombini kitanzini Jesca Msambatavangu amethibitisha kutokea kwa tukio hilo pamoja na kukipongeza kikosi cha Zimamoto mjini Iringa kwa kufika kwa wakati eneo la tukio huku akiwataka wananchi kuacha kulaumu kikosi hicho kwa kazi kubwa waliyoifanya.