WACHIMBAJI WADOGO WA MADINI WILAYANI RUANGWA WAPIGWA MSASA

Mkuu wa Wilaya ya Ruangwa Mkoani Iindi,Bi Agness Hokororo (katikati) akihututubia wakati alipokuwa akifungua mafunzo ya siku mbili ya wachimbaji wadogo wa madini katika wilaya ya Ruangwa.wengine pichani ni baadhi ya viongozi wilayani Ruangwa.

Na Abdulaziz Video,Ruangwa

Wachimbaji wadogowadogo wa madini Wilayani Ruangwa wametakiwa kuacha kufanya kazi katika mfumo usio rasmi badala yake wabadilike kwa kuingia katika mfumo rasmi ambao utawawezesha kukubalika na taasisi za fedha kutokana na kukua kwa sekta ya Madini Duniani ikiendana na Mabadiliko ya Uchumi hapa Nchini.

Wito huo Umetolewa leo na Mkuu wa Wilaya ya Ruangwa Mkoani Iindi,Bi Agness Hokororo wakati alipokuwa akifungua mafunzo ya siku mbili ya wachimbaji wadogo wa madini wilayani hapa ambapo alibainisha kuwa uchimbaji mdogo ni sekta ya kibiashara ambayo inaweza kuongeza kipato cha wananchi kwa kuongeza ajira pamoja na uchangia na ukuaji wa pato la taifa.

Licha ya kutokuwepo kwa taarifa sahihi za uzalishaji na uuzaji wa madini na wachimbaji wadogo kutozifanya shughuli za uchimbaji madini kama shughuli maalum ambazo zinaweza kuajiri na kuajiriwa.

Mafunzo hayo ya siku mbili yamewezeshwa na Wizara ya Nishati na Madini na kuratibiwa na ofisi ya Kamishna wa Madini kanda ya kusini na kuhusisisha Wachimbaji wadogo,Madiwani,Watendaji wa vijiji/kata ambapo mada mbali mbali zitatolewa zikiwamao za Sheria ya madini ya mwaka 2010,Ufafanuzi wa sera ya madini,Fursa za madini zilizopo Ruangwa na Matumizi salama ya Baruti ambapo pia watapewa Mwongozo wa kuandaa mpango wa kutunza Mazingira(EPP0).

Baadhi ya Wadau waliohudhulia Mkutano huo wakimsikiliza kwa Makini Mkuu wa Wilaya ya Ruangwa (hayupo pichani)

Sekretarieti ikiendelea na kazi yake ya kukusanya maoni ya wadau hao.

Picha ya Pamoja.