TRL KUBADILISHA MUDA WA KUONDOKA TRENI ZA ABIRIA KWENDA BARA KUANZIA APRILI 02, 2013

Uongozi wa Kampuni ya Reli Tanzania – TRL unawatangazia abiria wote na wananchi kwa jumla  kuwa treni kutoka Dar es Salaam kwenda Mwanza , KIgoma na Mpanda katika siku za Jumanne na Ijumaa utabadilika kutoka saa 8:30 mchana na kuwa saa 3:00 usiku kuanzia Aprili 02, 2013.

Aidha na kwa treni kutoka Mwanza kuja Tabora itaondoka saa 1:30 usiku na ile ya Kigoma kurudi  Tabora itaondoka 3:00 usiku. Mabadiliko haya yanatokana na  kuanza zoezi la utandikaji wa reli mpya kati ya Stesheni za Kitaraka (Singida) na Malongwe (Tabora)umbali wa kilomita 89, kazi ambayo itarajiwa kufanyika kwa saa 8 kila siku na hatimaye kukamilika baada ya miezi 6.

Uongozi wa TRL unaomba radhi kwa usumbufu wowote utakaojitokeza.

Imetolewa na Ofisi ya Uhusiano kwa niaba ya  Mkurugenzi Mtendaji Mhandisi Kipallo Aman Kisamfu.

TRL Makao Makuu,

Dar es Salaam.