Yanga yawataka mashabiki wake kujitokeza kwa wingi kwenye mechi yao dhidi ya Coast Union

UONGOZI wa Yanga umewataka mashabiki wao kujitokeza kwa wingi kwenye mechi yao dhidi ya Coast Union siku ya Mei Mosi kushangilia kutawazwa rasmi mabigwa wapya wa Tanzania.

Yanga ambayo ina pointi 56 imebaikiza pointi moja kuwavua rasmi wapinzani wao Simba ubingwa wa Tanzania na kwamba mchezo huo wa Coast Union ni muhimu kwao kwa vile ndio utakaoamua mustakabari wa ubingwa wao.

Katibu mkuu wa Yanga Laurance Mwalusako alisema kuwa mashabiki wao wajitokeze kwa wingi ili kuwatia hamasa wachezaji wao na kuweza kutoka na pointi tatu muhimu katika mchezo huo.

Alisema pamoja na kwamba bado pointi moja watangaza ubingwa lakini malengo yao ni kuakikisha wanachukua pointi zote sita walizobakiza na kuchukua ubingwa kwa kishindo.

Mwalusako alisema mashabiki wao wanatakiwa kuja kwa wingi siku hiyo ili kushuhudia timu yao ikikabidhiwa ubingwa wa halali walioupata baada ya safari ya miezi 10 kutoka mwaka jana mwezi wa nane.

Hata hivyo uenda Yanga ikatawazwa mabingwa mapema kama Coast Union wataifunga Azam katika mchezo wao utakaochezwa kesho katika uwanja wa Mkwakwani mjini Tanga.

Katika hatua nyingine Uongozi wa Yanga umekabidhi cheti cha shukurani kuwa kuitumikia Yanga kwa miaka 11 mfululizo toka miaka ya 1960 aliyekuwa mchezaji wa klabu hiyo ambaye pia ni marehemu Athuman Kilambo kilichotokea Machi 10 mwaka huu.

Mwalusako alisema kuwa cheti hicho kimekwenda sambamba na rambi rambi ya shilingi 500,000 ambayo walitoa siku ya msiba.

Alisema klabu hiyo imeamua kuwatunza vyeti wachezaji wake wa zamani na kwamba wameanza kwa mchezaji huyo ambaye ni marehemu na wanaendelea kutoa vyeti hivyo kwa wachezaji wengine ambao wameitumikia Yanga kwa kipindi kirefu.