mmoja afariki na wengine watatu wamejeruhiwa katika ajali Lindi

Na Abdulaziz,Lindi 

Mtu mmoja aliyetambuliwa kwa jina moja la Sudi Ahmad Lilah (24) mkaazi wa Kitomanga wilaya Lindi amefariki na wengine watatu kujeruhiwa katika ajali ya gari aina ya Isuzu Tipper yenye namba za Usajili T441AMC iliyotokea kati ya kijiji cha Mkwajuni na Namkongo wilayani humo saa Sita za Usiku kuamkia leo.

 Gari hilo lililokuwa likiendeshwa na Kilombilo Eliana Mariki ambalo lilibeba Tofari kwa ajili ya kupeleka katika ujenzi wa kisima cha Maji Namkongo tofali ambazo zilitoka katika kijiji cha Mitwero limepata ajali hiyo na kuporomoka katika bonde na Tofali hizo kuufunika Mwili wa marehemu alifariki hapohapo

Kufuatia taarifa ya awali ya Muuguzi wa zahanati ya Namkongo Bi Regina Blasius na Kuthibitishwa na Afisa Mnadhimu wa Jeshi la Polisi Mkoa wa Lindi,Renatha Mzinga zinaeleza kuwa Majeruhi wamefahamika kwa Majina ya Godbless Mgati(21) mkazi wa wailes lindi,Juma Abdulrehman(24)mkazi wa Ndoro na Hassan Masudi(28) Fundi bomba mkazi wa Makonde wamefikishwa asubuhi hii na kulazwa kwa Matibabu zaidi katika Hospital ya Rufaa ya Sokoine Mjini Lindi.

Marehemu Sudi alikuwa katika gari hilo kama mchukuzi wa kupakia na kushusha tofali hizo. Mwili wake umehifadhiwa katika Hospital hiyo ambapo  ndugu na jamaa wameombwa kujitokeza kuitambua pamoja na kuichukua kwa mazishi.