fundi magari anusurika kifo katika ajali huko lindi

Na Abdulaziz Video, Lindi

Mtu mmoja aliejulikana kwa jina la Burhan Islam ambaye ni fundi wa magari, amenusurika kifo baada ya gari alilokuwa akisafiria aina ya Fuso kugonga lori lingine nae kubanwa na bodi na kuokolewa baada ya jitihada zilizofanywa na baadhi ya Abiria waliokuwa wakisafiri katika barabara kuu ya Dar es salamu kwenda Mtwara na Lindi.

Gari hilo lenye namba za usajiri T 56ANQ lililokuwa likiendeshwa na Kunja Mshamu limepata ajali hiyo leo katika kijiji cha Mkwajuni wilayani Lindi baada ya kutaka kulipita gari lenye namba za usajili T 402 AJG Scania lililokuwa likiendeshwa na Amos Chadenyile.

Majeruhi huyo baada ya kuokolewa katika ajali hiyo alikimbizwa katika kituo cha afya Kitomanga kwa huduma ya kwanza kabla ya kupelekwa katika hospital ya Mkoa wa Lindi kwa Uchunguzi zaidi. Katika ajali hiyo iliyousisha malori hayo hakuna mtu mwingine aliyejeruhiwa huku gari hiyo ya Fuso likiwa limeharibika sana

Wasamaria wakifanya juhudi za kumnasua Burhan Islam

Majeruhi Burhan Islam baada ya kuchomolewa sehemu aliyokuwa amenasa na kabla ya kukimbizwa kituo cha afya kwa huduma ya kwanza