TAARIFA YA MSIBA: KEPTENI SAM CHEKINGO AFARIKI DUNIA

 

Marehemu Kepteni Sam Chekingo

Habari zimetufikia punde kwamba rubani wa ndege maarufu nchini Kepteni Sam Chekingo amefariki dunia Jumanne asubuhi nyumbani kwake Kinondoni jijini Dar es salaam. Kwa mujibu wa rafiki wa karibu wa marehemu Balozi Cisco Mtiro, misa ya kumuombea marehemu itaanza saa nne asubuhi Ijumaa ynyumbani kwake, kabla ya mwili wake kupelekwa katika makaburi ya Kinondoni saa tisa alasiri siku ya Ijumaa (sio Leo, kunradhi)

Marehemu Kepteni Chekingo atakumbukwa kama mmoja wa marubani mahiri na wa muda mrefu wa ndege za serikali alikotumikia toka enzi za Rais wa awamu ya kwanza hayati Mwalimu Nyerere. Alistaafu kazi serikalini na kujiunga na Umoja wa Mataifa akifanyia kazi zake Congo Brazaville, kabla ya kurejea nyumbani na kujiunga na ATC alikofanyia kazi hadi mauti yalipomkuta.

Mola aiweke Roho ya marehemu mahali pema peponi

AMINA