Mikoa 7 yaomba kuandaa Tamasha la Pasaka

Na Mwandishi Wetu

MIKOA sita imeomba kuandaa Tamasha la Pasaka mwaka huu.

Kwa mujibu wa habari zilizopatikana kutoka ndani ya Kamati ya Maandalizi ya Tamasha la Pasaka kumekuwa na maombi mengi sana ya wadau wanaotaka tamasha hilo.

Akizungumzia suala hilo, Mwenyekiti wa Kamati ya Maandalizi ya Tamasha la Pasaka, Alex Msama (pichani) alisema kwa sasa wanashughulikia vibali vya tamasha hilo na wala si vinginevyo.

“Yapo maombi mengi sana, lakini akili yetu kwa sasa ni suala la kupata kibali cha onesho lenyewe na baada ya hapo mambo mengine yatafuata.

“Sisi ni watu wa kufuata taratibu za nchi zinasemaje, ndiyo maana unaona hatuhangaiki sana kwa sasa na wanaoomba kuandaa tamasha, ila tukishapata kibali kutoka Basata (Baraza la Sanaa la Taifa), ndiyo mambo yatajipa zaidi,” alisema.

Kwa mujibu wa Msama, wadau wa muziki wa Injili wa mikoa ya Mbeya, Mwanza, Arusha, Dodoma, Tanga, Dar es Salaam na Shinyanga ndiyo ambao mpaka sasa wameomba kufanyika tamasha hilo mikoani mwao.

Tamasha la Pasaka linaandaliwa na Kampuni ya Msama Promotion ya jijini Dar es Salaam, ambayo pia huandaa Tamasha la Krismasi kila mwaka.