hoja ya haja: Stendi ya Mabasi ya Mikoani Mbezi Luis au Luguruni?

Moja ya kero kubwa hapa Dar ni msongamano unaotokana na kutopangilia miundombinu na huduma vizuri. Kwenye magazeti ya siku za karibuni, imeripotiwa kuwa mpango wa kujenga stendi ya mabasi yaendayo mikoani eneo la Mbezi Luis umekwama kwa sababu eneo lile halifai kutokana na kuwepo mkondo wa maji. 

 Nimekuwa najiuliza kwa nini kujengwa stendi pale mahali hajapapimwa (hivyo ni vigumu kujengwa huduma za mahoteli, nk na kumwaga maji taka)... wakati mbele kidogo tu pale Luguruni kuna eneo kubwa limetengwa kuwa satellite city na mpaka sasa limebaki pori?

Kujenga hapo stendi kuu ya mabasi ya mikoani pamoja na soko kubwa la jumla kungetosha kuhamasisha uwekezaji ambao ndio ungesaidia patumike kama kituo cha huduma kama ilivyokusudiwa na kupunguza msongamano mji mkongwe wa Dar. 

Dar City Council bado wanatafuta maeneo kuweka hiyo stendi wakati Luguruni iko pori kubwa pale. Hata waliwahi kutaka kujenga stendi ya muda pale Chuo Kikuu Dar.

   Hivi humu hakuna anayehusika na haya mambo atuelimishe?
Mdau wa Mbezi