MZEE SMALL AFARIKI DUNIA, MAZISHI KESHO TABATA SEGEREA

MUIGIZAJI MKONGWE HAPA NCHINI, SAID WA NGAMBA MAARUFU KWA JINA LA MZEE SMALL AMEFARIKI DUNIA USIKU WA KUAMKIA LEO KATIKA HOSPITALI YA TAIFA YA MUHIMBILI ALIKOKUWA AMELAZWA AKIPATIWA MATIBABU YA KIHARUSI. ALIKUWA NA MIAKA 59.

AKITHIBITISHA TAARIFA YA KIFO CHA MZEE SMALL, MWANAE AITWAE MAHMOUD AMESEMA MZEE WAKE AMEFIKWA NA MAUTI HAYO MAJIRA YA SAA NNE USIKU WAKATI AKIWA HOSPITALINI HAPO AKIENDELEA KUPATIWA MATIBABU.

MIPANGO YA MAZISHI INAFANYIKA NYUMBANI KWAO TABATA AMBAPO MAZISHI YANATARAJIWA KUWA KESHO SAA KUMI ALASIRI KATIKA MAKABURI YA  TABARA SEGEREA JIJINI DAR ES SALAAM.

MZEE SMALL ATAKUMBUKWA KAMA MMOJA WA WACHEKESHAJI MAHILI KUTOKEA HAPA NCHINI, MARA KWA MARA AKIWA NA "MKEWE" WA JUKWAANI BI. CHAU.

MAISHA YA SANAA YA MZEE SMALL YALIANZIA KATIKA NGOMA ZA UTAMADUNI, AKIWA MMOJA WA WASANII WALIOKIWEZESHA KIKUNDI CHA MAGEREZA KUTAMBA SANA TANGIA MIAKA YA 1970 NA 1980. 
ALIENDELEA KUWA NYOTA WA UTAMADUNI HATA BAADAYE ALIPOSTAAFU MAGEREZA NA KUJIUNGA NA KIKUNDI CHA RELI "KIBOKO YAO" NA BAADAYE NASACO,  KABLA YA KUANZISHA KUNDI LAKE MWENYEWE NA HATIMAYE KUJITOSA KWENYE FILAMU, AKIWA MUIGIZAJI WA KWANZA KUCHEZA KOMEDI KWENYE TV.

GLOBU YA JAMII IMEPOKEA TAARIFA HII KWA MASIKITIKO MAKUBWA SANA NA INAMUOMBEA KWA MWENYEZIMUNGU AIWEKE ROHO YAKE MAHALA PEMA PEPONI.

-AMIN.