Ingizo jipya katika kombe la dunia Brazil: alama ya chaki ya kupulizia inayoyeyuka....

Alama ya chaki ya kupulizia (spray) ni moja ya ingizo jipya kwenye michuano ya Kombe la Dunia nchini Brazil. Tayari refa ameshaitumia mara ya kwanza kwenye mechi ya ufunguzi kati ya Brazil na Croatia usiku wa kuamkia leo, pale refa alipochora kwa kupulizia na kuweka alama wapi wachezaji wasimame wakati wa kupigwa mpira wa adhabu (pichani chini), ili kuthibiti zogo la wachezaji, ama wapi mpira uwekwe kabla ya kupigwa. 

Chaki hiyo, ambayo huyeyuka baada ya dakika chache, ilianza kutumika mwaka jana kwenye kombe la Klabu Bingwa ya Dunia, ambapo huko Argentina na Brazil imetumika kwa misimu kadhaa iliyopita. 
Pia ilitumika kwa majaribio katika michuano ya FIFA ya wachezaji walio na umri chini ya miaka 20 mwaka jana. 
Je, huu ni mzigo wa ziada kwa refa ambaye sasa atabeba kalamu na notebook, filimbi, kadi ya njano na nyekundu, kidude cha kusikilizia masikioni na sasa kikopo cha chaki ya kupulizia kitachoning'inia kwenye mkanda wa kaptula yake.