kombe la dunia laanza kwa brazil kuichapa croatia 3-1 katika mchezo unaolalamikiwa kuwa wenyeji wamebebwa na refa

Wenyeji Brazil  wameanza michuano ya Kombe la Dunia kwa ushindi finyu wa mabao 3-1 dhidi ya Croatia usiku wa kuamkia leo  jijini Sao Paulo, na kuponea chupuchupu kutoka sare katika mchezo ulioanza kwa mabingwa hao mara tano kujikuta nyuma kwa goli moja la kujifunga wenyewe mwanzoni mwa kipindi cha kwanza. 

Nyota wa Brazil Neymar analalamikiwa kubebwa na refa Yuichi Nishimura kutoka Japan baada ya kuambulia kadi ya njano (badala ya nyekundu)  kwa kumpiga kipepsi kwa makusudi mlinzi Luka Modric wa Croatia mbele ya mashabiki 61,000. 

Dakika chache baada ya rafu hiyo na kadi ya njano, Neymar alisawazisha kwa mkwaju wa mita 25, kabla ya wenyeji kupata bao la pili, la penati (ya kubebwa), pale Fred alipojirusha ndani ya boxi baada ya kuguswa kidogo tu na mlinzi wa Croatia.

Oscar, aliyekuwa nyota wa mchezo, naye alifunga bao tamu la mchezo, kuihakikishia ushindi wa Brazil ambayo, hata hivyo, inatajwa  na wadadisi wa mambo kuwa inabwebwa na FIFA ambayo inasemekana inakutaka wenyeji washinde kombe hilo kwa hali yoyote ile.

 Hii inatokana na mbeleko tatu za wazi ambazo refa alionesha kuwabebea Brazil (kutomtoa Nyemar, kutoa penati kwa Fred kujirusha na kukataa bao la Croatia), kiasi hata makelele yanasikika kila kona kwamba Kombe la Dunia safari hii itakuwa na  mizengwe mingi kama ile iliyoiandama FIFA (ya tuhuma za rushwa kuipa Qatar wenyeji wa mashindano), na wadadisi wanasema ngoja tuone iytavyokuwa.