Miss morogoro 2014 kupatikana leo nashera hotel ya mji kasoro bahari

 Na John Nditi

WAREMBO 15 wamejitosa katika kinyang’anyiro cha kuwania  kunyakua taji la Miss Morogoro 2014 litakalofanyika  leo Juni 13,   kwenye  ukumbi wa Hoteli ya Nashera ya Mjini Morogoro.

Katika kinyang’anyiro hicho, Msanii wa Bongo Fleva, Khalid Ramadhan ‘Tundaman’ anatarajia kupanda jukwaani kutoa burdani wakati wa kumsaka malikia wa  Redd’s Miss Morogoro wa mwaka huu.

Warembo hao  wamejitokeza kuwania taji hilo linaloshikiliwa na Msomi wa  Chuo cha Usimamizi wa Fedha ( IFM) , Diana Laizer aliyelitwaa mwaka 2013  kwenye ukumbi huo  huo baada ya kuwashinda wenzake 9 waliokuwa wameshiriki.

Mratibu wa shindano hilo, Frank Kikambako pamoja na Mwalimu  shindano hilo, Salvina Kibona, kwa nyakati tofauti  mbali na kumtaja Msanii Tundaman, pia wasanii wengine watashiriki kunogesha wakati huo .

 Mwalimu wa warembo hao anasema kuwa mwaka huu washiriki wamejitokeza wengi zaidi  kutokana na kutambua umuhimu wa shindano hilo ndani ya jamii  na kwamba wote wanazo sifa na vigezo vinavyolingana katika kuwania taji hilo.

Aliwataja warembo hao kuwa ni , Lucy Diyu. Alexia Shayo, Mwasuma Ibrahim , Angle Shio, Sia Mtui, Bossa Emmanuel, Neema Nachenga, Prisca Mengi, Welo Eliude, Hawa Mshana, Lissa Mdolo, Magreth David na mwingine aliyemtaja kwa jina moja tu la Caren.

“ Tunao warembo wenye sifa zinazofanana ...na hii italeta ushindani mkali wa nani anaibuka kuwa malkia wa Redd’s Miss Morogoro kwa mwaka huu” alisema Mwalimu wa Warembo hao.