Taarifa ya KUSITISHWA KWA MUDA HUDUMA YA TRENI YA JIJI KUANZIA KESHO JUNI 19, 2014

 Uongozi wa Kampuni ya Reli Tanzania –TRL unasikitika  kuwataarifu wananchi na wateja wake  wa  huduma ya treni ya Jiji kuwa hiyo  imesitishwa kwa muda wa siku 3 kuanzia kesho Juni 19, 2014 hadi  Jumammosi Juni 21, 2014. Aidha huduma hiyo itaanza tena hapo Jumatatu Juni 23, 2014 kwa kufuata ratiba yake ya kawaida.

Uamuzi huo unatokana na sababu za kiufundi ikiwemo kufanyiwa matengenezo vichwa vyote vya  viwili ambavyo vimekuwa vikihudumia treni hiyo ya Jiji. Vichwa hivyo vinapaswa kufanyiwa ukarabati katika Karakana Kuu ya TRL Morogoro na kwamba vitarejeshwa Jijini Jumapili Juni 22, 2014.

Uongozi wa TRL inawaomba radhi wananchi na wateja wake wote jijini kwa usumbufu utakaojitokeza.

-Tamati-

Imetolewa na Afisi ya Uhusiano ya TRL kwa Niaba ya

Kaimu Mkurugenzi Mtendaji ,

Mhandisi  Elias Mshana

Dar es Salaam,

Juni 18, 2014.