Jux aachia ‘Sisikii’ redioni

Na Andrew Chale

MWANAMUZIKI nyota anayefanya vizuri katika tasnia ya muziki nchini, Juma Mussa ‘Jux’ anayetamba zaidi  na vibao vya ‘Uzuri wako’ na ‘Nitasubiri’, ameachia rasmi wimbo wake mpya wa ‘Sisikii’ katika stesheni mbalimbali za redio.

Akizungumza jijini Dar es Salaam , Jux alisema wimbo huo wa ‘Sisikii’ ameutengeneza kwa Mtayarishaji  Maneke wa AM rekodi, ambao ni zawadi nyingine kwa mashabiki wake wote duniani.

Jux aliwataka kuupokea kwa mikono miwili na wasubiri video ambayo itakuwa ya kiwango cha hali ya juu.

“Septemba 9, nimeachia rasmi wimbo wa ‘Sisikii’ katika redio hapa nchini na wadau wangu waoupokee kwa mikono miwili kama nyimbo nyingine ninazotoa, pia wakae mkao wa kuona video ya wimbo huu muda si mrefu,”alisema Jux.

Awali Jux amekuwa akiwonjesha mashabiki wake kwenye shoo mbalimbali zinazoendelea nchini kupitia ziara za muziki wa Serengeti Fiesta mwaka huu.