BANDA LA TANZANIA LATIKISA MAONESHO YA INDABA

 Balozi wa Tanzania nchini Afrika Kusini Mh. Radhia Msuya (katikati)  katika picha ya pamoja na waoneshaji kutoka taasisi za serikali katika maonesho ya INDABA AFrika Kusini. Wa pili kulia ni Kaimu Mkurugenzi Mwendeshaji wa Bodi ya Utalii Tanzania bii Devota Mdachi.

Waoneshaji kutoka tasisi za Serikali katika maonesho ya INDABA Durban Afrika Kusini wakiwa kazini kuitangaza Tanzania.

Na: Geofrey Tengeneza.

Banda la Tanzania katika maonesho ya Kimataifa ya INDABA yaliofanyika katika jiji la Durban nchini Afrika Kusini lilikuwa miomgoni mwa mabnda yaliyon’gara zaidi kwa kuvutia watu waliotembelea maonesho hayo ambayo kwa mwaka huu yalifanyika kwa siku tatu kuanzia 9 hadi tarehe 11/5/2015.

Katika maonesho hayo ambayo ni makubwa zaidi barani Afrika na ya tatu kwa ukubwa duniani baada ya ya yale ya ITB Ujerumani na WTM Uingereza Tanzania iliwakilishwa na makampuni 30 zikiwemo pia taasisi za Serikali kama vile TTB, Tanapa na Ngorongoro.

Balozi wa Tanzania nchini Afrika Kusini Bibi Radhia Msuya alipata fursa ya kutembelea maonesho hayo na kuzungumza na waoneshaji kutoka Tanzania na kuwapongeza kwa namna walivyojipanga kushirki katika maonesho hayo chini ya uratibu wa Bodi ya Utalii Tanzania –TTB.